नेदरल्याण्ड्सविरुद्धको जितसँगै नेपाल त्रिकोणात्मक टी-२० सिरिजको फाइनलमा

काठमाडौं । नेपालले त्रिकोणात्मक सिरिजमा दोस्रो जित निकालेको छ। आज भएको खेलमा नेपालले नेदरल्याण्ड्सलाई ६ विकेटले पराजित गर्दै फाइनल प्रवेश गरेको हो।

नेपालले सिरिजका सुरुवाती दुई खेल लक्ष्य नजिक पुगेर गुमाएपनि पछिल्ला दुई खेलमा कमब्याक गर्‍यो। पहिलो खेलमा नामिबियासँग २० रनले पराजित भएको नेपाल दोस्रो खेलमा नेदरल्याण्ड्ससँग २ रनले पराजित भएको थियो। त्यसपछि शुक्रबार भएको तेस्रो खेलमा नेपाल नामिबियाविरुद्ध ३ रनले विजयी भएको थियो।

आज भएको चौथो खेलमा नेदरल्याण्ड्सले दिएको १२१ रनको लक्ष्य नेपालले १५ दशमलव २ ओभरमा ४ विकेट गुमाएर भेट्टायो। नेपालका लागि कप्तान रोहित पौडेलले सर्वाधिक ४६ रन बनाउँदा गुल्शन झाले ३८ रन बनाए। नेदरल्याण्ड्सका भिभियन किंग्माले ३ विकेट लिए।

त्यसअघि टस जितेर पहिले ब्याटिङ गरेको नेदरल्याण्ड्सले १९ दशमलव ३ ओभरमा सबै  विकेट गुमाउँदै १२० रन बनाएको थियो। उसका लागि म्याक्स ओ'डाउडले सर्वाधिक ३१ रन बनाउँदा टिम गगटेनले २४ रन बनाएका थिए। यस्तै रोइलोफ मेर्विले २३ रन बनाए।

नेपालका प्रतिश जिशीले कसिलो बलिङ गर्दै ४ ओभरमा १३ रन खर्चिएर महत्वपूर्ण ३ विकेट लिए। उनी म्यान अफ दि म्याच पनि घोषित भए। यस्तै करन केसी र कुशल मल्लले २/२ विकेट लिए।

अब आइतबार हुने नामिबिया र नेदरल्याण्ड्सको खेलपछि फाइनल पुग्ने अर्को टोलीको टुङ्गो लाग्नेछ। नेपालले आजको खेलमा नेट रनरेट बलियो बनाएसँगै फाइनल प्रवेश गरेको हो।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन