समयमै कानुनी प्रक्रिया नहुँदा ग्रे लिस्टमा पर्‍यो नेपाल : अर्थमन्त्री पौडेल

काठमाडौं । समयमै कानुनी व्यवस्था, अनुसन्धान र अभियोजनको प्रक्रिया पूरा गर्न नसक्दा नेपाल ग्रे लिस्टमा परेको सरकारको भनाइ छ। उपप्रधान तथा अर्थमन्त्री विष्णुप्रसाद पौडेलले बिहीबार प्रतिनिधिसभामा आगामी आर्थिक वर्ष २०८२/०८३ को बजेट प्रस्तुत गर्दै यस्तो जानकारी दिएका हुन्।

उनका अनुसार समयमै आवश्यक कानुनी व्यवस्था, अनुसन्धान र अभियोजन प्रक्रिया सम्पन्न गर्न नसक्नु नै देश ग्रे लिस्टमा पर्नुको प्रमुख कारण हो।

बजेट वक्तव्यमा मन्त्री पौडेलले भने, "कृषिमा आधुनिकीकरण र प्रविधिको अभावका कारण उत्पादन लक्ष्य अनुसार हासिल हुन सकेको छैन। पूर्वाधार क्षेत्रमा भएको लगानीबाट अपेक्षित प्रतिफल प्राप्त भएको छैन। रोजगारी सिर्जनामा चुनौती रहेकाले वैदेशिक रोजगारमा जाने युवाको संख्या बढ्दो छ।"

उनले नियामक निकायहरूको भूमिकालाई प्रभावकारी बनाउनु अझै चुनौतीपूर्ण रहेको उल्लेख गरे। साथै, नीतिगत र कानुनी सुधार भए पनि त्यसअनुसार विदेशी लगानी भित्र्याउन नसकिएको बताए। "सार्वजनिक क्षेत्रको ढिलासुस्तीका कारण सुशासन कायम गर्नु कठिन भइरहेको छ," मन्त्री पौडेलले बजेट वक्तव्यमा भने।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन