अष्ट्रेलियामा न्यूनतम ज्याला वृद्धि, जुलाई १ देखि प्रतिघण्टा २४.९५ डलर पुग्ने

काठमाडौँ । अष्ट्रेलियाको फेयर वर्क कमिसनले देशको न्यूनतम ज्यालामा ३.५ प्रतिशतले वृद्धि गर्ने घोषणा गरेको छ।

आयोगले औद्योगिक सम्बन्ध न्यायाधिकरणको वार्षिक समीक्षापछि मंगलबार यो निर्णय सार्वजनिक गरेको हो।

यो निर्णयअनुसार आगामी जुलाई १ देखि अष्ट्रेलियाको राष्ट्रिय न्यूनतम ज्याला प्रतिघण्टा २४.१ अष्ट्रेलियाली डलरबाट बढेर २४.९५ अष्ट्रेलियाली डलर पुग्नेछ। अमेरिकी डलरमा यसको दर १६.१ हुनेछ। यस्तै, पूर्ण–समय ३८ घण्टाको कार्यसप्ताहको आधारमा न्यूनतम साप्ताहिक ज्याला ९४८ अष्ट्रेलियाली डलर (अन्दाजी ६१४ अमेरिकी डलर) हुनेछ।

फेयर वर्क कमिसन (FWC) ले सरकार, रोजगारदाता र श्रमिक युनियनहरूसँगको विस्तृत परामर्शपछि गरिएको यो निर्णयले करिब २६ लाखभन्दा बढी अष्ट्रेलियाली श्रमिकहरूलाई प्रत्यक्ष असर गर्ने जनाएको छ।

आयोगका अनुसार यो वृद्धि श्रमिकहरूको जीवनस्तरमा सुधार ल्याउने उद्देश्यले गरिएको हो, साथै वर्तमान मुद्रास्फीति र जीवनयापन खर्चलाई मध्यनजर गर्दै न्यूनतम ज्यालामा समायोजन गरिएको हो।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन