सुनचाँदी तथा गहना महासंघद्वारा सरकारलाई भ्याट र विलासिता कर पुनर्विचार गर्न आग्रह

काठमाडौं, असार ३। नेपाल सुनचाँदी, रत्न तथा गहना महासंघले हीरा र रत्नमाथि भ्याट तथा सुनका गहनामा २ प्रतिशत विलासिता कर लगाउने सरकारको निर्णय पुनर्विचार गर्न माग गरेको छ।

सोमबार राजधानीमा आयोजित पत्रकार सम्मेलनमा महासंघका अध्यक्ष सुमनमान ताम्रकारले उक्त नयाँ कर व्यवस्था लागू भएमा करिब २५ हजारभन्दा बढी व्यवसायी संलग्न यो क्षेत्र प्रभावित हुने चेतावनी दिए। ताम्रकारका अनुसार झण्डै ३५ खर्ब रुपैयाँको लगानी रहेको यस उद्योगमा करको भार बढेपछि कतिपय व्यवसाय बन्द हुन सक्ने खतरा छ।

महासंघले गहना उद्योगले हरेक वर्ष २० अर्ब रुपैयाँ राजस्व योगदान गरिरहेको उल्लेख गर्दै नयाँ कर नीति लागू भएमा व्यापारी मात्र होइन, हजारौं कारीगर र उनीहरूका परिवार समेत प्रत्यक्ष असरमा पर्ने जनाएको छ।

महासंघले सरकारसँग संवादमार्फत समाधान खोज्न तयार रहेको बताउँदै यथाशीघ्र निर्णय पुनर्विचार गर्न आग्रह गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन