खजुरा गोल्डकपको फाइनलमा नाइजेरियन टोली प्रवेश

बाँके, वैशाख ५ गते — बाँकेको खजुरामा जारी एमटि एरिना प्रथम खजुरा गोल्डकप फुटबल प्रतियोगिता को फाइनलमा विदेशी टोली जष्ट जोन एफसी नाइजेरिया प्रवेश गरेको छ।

खजुरा–४ डि गाउँस्थित मिनी रंगशालामा शनिबार भएको दोस्रो सेमिफाइनलमा जष्ट जोनले फोर ब्रदर्श एफसी नवलपरासी लाई २–१ गोल अन्तरले पराजित गरेको हो।

नाइजेरियन टोलीका जर्सी नम्बर २१ का ताजुदिनले ३९औँ मिनेटमा पहिलो गोल गरेका थिए भने जर्सी नम्बर २६ का ओलाबी अफिजले ७८औँ मिनेटमा दोस्रो गोल गर्दै अग्रता मजबुत बनाएका थिए। फोर ब्रदर्शका अबिशेख महतोले ८३औँ मिनेटमा पेनाल्टीमार्फत एक गोल फर्काए पनि हार टार्न सकेनन्।

खेलमा उत्कृष्ट प्रदर्शन गरेका ओलाबी अफिज ‘प्लेयर अफ द म्याच’ घोषित भए।

आयोजक न्यू डाँफे स्पोर्ट्स क्लब का अध्यक्ष बालाराम खत्रीका अनुसार अब फाइनल खेल जष्ट जोन एफसी नाइजेरिया र जेबिएम लखनउबीच आइतबार हुनेछ।

प्रतियोगितामा ८ टोलीको सहभागिता रहेको छ। विजेताले ७ लाख रुपैयाँ र उपविजेताले ४ लाख रुपैयाँ नगद पुरस्कार प्राप्त गर्नेछन्। प्रतियोगिता सञ्चालनमा करिब ६० लाख रुपैयाँ खर्च हुने अनुमान गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन