प्रभु महालक्ष्मी लाइफले डाक्यो वार्षिक साधारणसभा, ८ प्रतिशत बोनस शेयरको घोषणा सँगै हकप्रद शेयर रद्द

काठमाडौं, जेठ २ गते। प्रभु महालक्ष्मी लाइफ इन्स्योरेन्सले आठौँ वार्षिक साधारण सभा बोलाएको छ। कम्पनीले आर्थिक वर्ष २०७९/८० को मुनाफाबाट शेयरधनीहरुलाई वितरण गर्ने लाभांश पारित गर्न जेठ २६ गते, सोमबार साधारण सभा बोलाएको हो।

साधारण सभा काठमाडौंको भाटभटेनीस्थित आम्रपाली ब्याङ्क्वेटमा बिहान ११ बजे सुरु हुनेछ। सभामा हाल कायम चुक्ता पूँजीको ८ प्रतिशत बोनस शेयर र त्यसको कर प्रयोजनका लागि ०.४२१ प्रतिशत नगद लाभांश वितरण गर्ने प्रस्ताव पारित गरिनेछ।

त्यस्तै, सातौँ वार्षिक साधारण सभाबाट पारित ७ प्रतिशत हकप्रद शेयर जारी गर्ने निर्णय रद्द गर्ने प्रस्ताव पनि सभाबाट पारित गरिनेछ। साथै, कम्पनीको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्ताव, नयाँ लेखापरीक्षक नियुक्त गर्ने प्रस्ताव लगायत अन्य महत्वपूर्ण प्रस्तावहरू समेत सभामा पेस हुनेछन्।

कम्पनीले साधारण सभा तथा लाभांश वितरण प्रयोजनार्थ बुकक्लोज मिति जेठ २३ गते तोकेको छ। यस अनुसार, जेठ २२ गतेसम्म नेप्सेमा कारोबार गरी कायम रहेका शेयरधनीहरुले साधारण सभामा सहभागिता जनाउन सक्नेछन् साथै प्रस्तावित लाभांश प्राप्त गर्ने हकदार हुनेछन्।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना