प्रभु इन्स्योरेन्सको बम्पर लाभांश घोषणा, १८ प्रतिशत बोनस शेयर वितरण पश्चात एक अर्ब ७० करोड पुग्ने

BFIS News
2025 Jun 23 11:48

प्रभु इन्स्योरेन्सको बम्पर लाभांश घोषणा, १८ प्रतिशत बोनस शेयर वितरण पश्चात एक अर्ब ७० करोड पुग्ने

काठमाडौं। प्रभु इन्स्योरेन्स कम्पनीले बम्पर लाभांश घोषणा गरेको छ। कम्पनीले चुक्ता पूँजीको १८ प्रतिशत बोनस शेयर वितरण गर्ने घोषणा गरेको छ।

यसका साथै इन्स्योरेन्सको बोनस शेयरको कर प्रयोजनार्थ ०.९४७४ प्रतिशत नगद लाभांश पनि वितरण गर्ने घोषणा गरेको छ। असार ८ गते बसेको इन्स्योरेन्सको सञ्चालक समितिको बैठकले सो दरमा बोनस शेयर वितरण गर्ने निर्णय गरेको हो।

नेपाल बीमा प्राधिकरणबाट स्वीकृत भई आगामी वार्षिक साधारण सभाले पारित गरेपश्चात सो दरमा बोनस शेयर वितरण गरिनेछ। हाल कम्पनीको चुक्ता पूँजी एक अर्ब ४४ करोड रहेको छ। बोनस शेयर वितरण पश्चात चुक्ता पूँजी एक अर्ब ७० करोड पुग्नेछ। कम्पनीलाई साढे दुई अर्ब पूर्याउन अझै ८० करोड अर्थात ४७ प्रतिशत आवश्यक पर्नेछ।