योजना आयोग उपाध्यक्ष अधिकारी र नेपालका लागि बेलायती राजदूत फेन बिच भेटवार्ता 

काठमाडौँ  । राष्ट्रिय योजना आयोगका उपाध्यक्ष प्रा.डा. शिवराज अधिकारी र नेपालका लागि बेलायती राजदूत रोब फेन बिच भेटवार्ता भएको छ । 

सोमबार सिंहदरबार स्थित आयोगमा भएको भेटवार्तामा द्विपक्षीय सहयोग, योजना कार्यान्वयन र अनुसन्धानका क्षेत्रमा छलफल भएको छ । 

भेटका क्रममा उपाध्यक्ष अधिकारीले चालू १६औँ योजना पहिले भन्दा फरक (विषयगत दृष्टिकोण) मा तयार गरिएको बताउँदै यसको कार्यान्वयन योजना बनाइँदै गरेको जानकारी दिए। 

उनले योजना आयोगले मन्त्रालयहरूसँग छलफल गरी समन्वयात्मक अतिरिक्त लाभ र विरोधाभास) अपनाएर कार्य योजना तयारी अगाडि बढाइएको जानकारी गराए  । 

राजदूत फेनले बेलायतमा पनि नीति निर्माण र कार्यान्वयन (समस्या समाधान साझेदारी) बाट गरिएको बताउँदै आयोगले बनाएको कार्य योजनाको प्रशंसा गरे । 

राजदूत फेनले नेपालमा विदेशी लगानीकर्ताका लागि अनुकूल वातावरण निर्माण गर्न आग्रह गर्नुका साथै जलवायु परिवर्तनले नेपाललाई पारेको असर न्यूनीकरण गर्ने लगायत विभिन्न  वातावरणीय क्षेत्रमा मिलेर काम गर्ने बताए ।  

साथै उनले बेलायतले शैक्षिक, अनुसन्धान र आर्थिक क्षेत्रमा नेपालसँग दीर्घकालीन साझेदारी बढाउन चाहेको र विशेष गरी स्तरोन्नति भएपछि नेपालले सामना गर्न सक्ने व्यापारिक चुनौतीहरू समाधान गर्न बेलायतले सहयोग दिने बताए।

बेलायतका सरकारी संस्थानहरू र प्रतिष्ठित विश्वविद्यालयहरूसँग नेपालको द्विपक्षीय अनुसन्धान सहयोग बढाउने र अति कम विकसित राष्ट्रहरू बाट स्तरोन्नति पश्चात् नेपालको व्यापारमा पर्ने प्रभाव विषयमा छलफल भएको थियो ।

दुवै पक्षले नेपाल र बेलायतबिच अनुसन्धान, योजना कार्यान्वयन र नीति समन्वय क्षेत्रमा सहकार्य बढाउने सहमति जनाएका छन्।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना