प्रभु इन्सुरेन्सको साउन २३ गते एजीएम, १८ प्रतिशत बोनसपछि ४७ प्रतिशत हकप्रद प्रस्ताव

काठमाडौं । प्रभु इन्सुरेन्स लिमिटेडले आगामी साउन २३ गते वार्षिक साधारण सभा (एजीएम) गर्ने भएको छ।

कम्पनीले उक्त सभामा १८ प्रतिशत बोनस सेयर वितरण गर्ने र कर प्रयोजनका लागि ०.९४७४ प्रतिशत नगद लाभांश दिने प्रस्ताव पेश गर्ने जनाएको छ।

यसै सभामा कम्पनीले बोनस सेयरपछि कायम हुने चुक्ता पुँजीमा ४७ प्रतिशत हकप्रद सेयर जारी गर्ने प्रस्ताव पनि प्रस्तुत गर्नेछ। यसअघि कम्पनीले ५०.१५ प्रतिशत हकप्रद सेयर जारी गर्ने योजना सार्वजनिक गरेको थियो। तर, बोनस सेयरका कारण चुक्ता पुँजी बढ्ने भएकाले हकप्रद अनुपात परिमार्जन गर्दै ४७ प्रतिशतमा झारिएको कम्पनीले जानकारी दिएको छ।

साधारण सभा प्रभु इन्सुरेन्स लिमिटेडको प्रधान कार्यालय, प्रभु कम्प्लेक्स, तिनकुने, काठमाडौंमा बिहान ११ बजे सुरु हुनेछ।

सभामा सहभागिता र लाभांश प्राप्तिका लागि कम्पनीले साउन २ गते बुक क्लोज गर्ने जनाएको छ। यसअन्तर्गत, साउन १ गतेसम्म नेप्सेमा नाम भएका सेयरधनीहरुले मात्र साधारण सभामा भाग लिन र प्रस्तावित लाभांश प्राप्त गर्न सक्नेछन्।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना