मनाङमा बेपत्ता दुई भारतीय नागरिकको शव फेला

काठमाडौं, कात्तिक २३ – मनाङ जिल्लामा सम्पर्क विहीन रहेका दुई भारतीय नागरिकको शव सशस्त्र प्रहरीले फेला पारेको छ। ५२ वर्षीय जिग्नेस कुमार लल्लु भाई पटेल र १७ वर्षीया प्रियन्सा कुमारी पटेलको शव आइतबार दिउँसो करिब २ बजे भेटिएको हो।

उनीहरू कात्तिक ३ गते ङिस्याङ गाउँपालिका–४ स्थित ग्याल्सेन होटलबाट गाउँपालिका–५ स्थित मलेरिपा गुम्बा घुम्न जानु भनी निस्किएका थिए र त्यसपछि सम्पर्कविहीन भएका थिए। होटलले सम्पर्क विहीन भएको जानकारी सशस्त्र प्रहरी बल र नेपाल पर्वतीय उद्धार तालिम शिक्षालय मनाङलाई दिएको थियो।

सशस्त्र प्रहरी नायब उपरीक्षक हिरा बहादुर जिस्को नेतृत्वमा उद्धार सामग्रीसहित खटिएको माउन्टेन रेस्क्यु टोलीले शव गुम्बाबाट करिब १०० मिटर माथि हिउँले पुरिएको अवस्थामा फेला पारेको हो। सशस्त्र प्रहरीका सहप्रवक्ता प्रहरी नायब उपरीक्षक शैलेन्द्र थापाका अनुसार घटनास्थलबाट शव तल झार्ने कार्य जारी छ।

मृतकहरू बाबु र छोरी रहेको प्रहरीले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन