मधेस प्रदेशमा मुख्यमन्त्री नियुक्तिको विरोधमा सात दलद्वारा कार्यालयमा तोडफोड

जनकपुरधाम। मधेस प्रदेशमा मुख्यमन्त्री नियुक्तिको विषयलाई लिएर प्रदेश सरकारको मुख्यमन्त्री कार्यालयमा तोडफोड गरिएको छ। घटनामा नेपाली कांग्रेससहित प्रदेशमा प्रतिनिधित्व गर्ने सात राजनीतिक दलका नेता र कार्यकर्ताहरू संलग्न रहेको बताइएको छ।

सोमबार बिहान प्रदेश प्रमुख सुमित्रा भण्डारीले नेकपा (एमाले) मधेस प्रदेश संसदीय दलका नेता सरोज यादवलाई ठूलो दलको हैसियतमा मुख्यमन्त्रीमा नियुक्त गरेकी थिइन्। त्यसपछि नवनियुक्त मुख्यमन्त्री यादवविरुद्ध सात दलका कार्यकर्ताहरूले कार्यालय अगाडि नाराबाजी गरेका थिए।

यादव मुख्यमन्त्री कार्यालय आउँदैछन् भन्ने जानकारी पाएपछि प्रदर्शनकारी नेता र कार्यकर्ताहरू कार्यालय अगाडि जम्मा भई अवरोध र तोडफोड गरेका हुन्।

आन्दोलनरत दलका कार्यकर्ताहरूले प्रदेश गृह, सञ्चार तथा कानून मन्त्रालयमा समेत तालाबन्दी गरेको समाचार आएको छ। सुरक्षाकर्मीहरूलाई घटनास्थलमा परिचालन गरिएको छ भने स्थिति नियन्त्रणमा लिन पहल भइरहेको प्रदेश प्रहरी स्रोतले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन