लक्ष्मी सनराइज बैंकको १० प्रतिशत बोनससहित २ अर्ब ५६ करोड लाभांश घोषणा

काठमाडौं। मर्जरपछि लगातार दुई वर्ष क्रमशः ५ प्रतिशत र ७ प्रतिशत लाभांश वितरण गरेको लक्ष्मी सनराइज बैंकले यस वर्ष आफ्ना शेयरधनीहरूलाई थप आकर्षक लाभांश प्रस्ताव गरेको छ। बैंकले गत आर्थिक वर्षको मुनाफाबाट १० प्रतिशत बोनस शेयर र ०.५३ प्रतिशत नगद लाभांश (कर प्रयोजनार्थ) वितरण गर्ने निर्णय गरेको हो।

लक्ष्मी सनराइज बैंक लिमिटेड (LSL) को हालको चुक्ता पूँजी २३ अर्ब ३४ करोड रुपैयाँ रहेको छ। प्रस्तावित १० प्रतिशत बोनस शेयर वितरणपछि बैंकको चुक्ता पूँजी २५ अर्ब ६७ करोड रुपैयाँ पुग्नेछ। बोनस तथा नगद गरी बैंकले यस वर्ष कुल २ अर्ब ५६ करोड रुपैयाँ लाभांशका लागि विनियोजन गर्ने गरेको छ।

कात्तिक ३० गते बसेको बैंकको सञ्चालक समितिको बैठकले सो दरमा लाभांश वितरण गर्ने प्रस्ताव पारित गरेको हो। प्रस्तावित लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले अनुमोदन गरेपछि शेयरधनीहरूलाई वितरण गरिनेछ।

बोनस शेयरको वितरणसँगै बैंकको पूँजी बलियो हुँदै शेयरधनीहरूको मूल्य वृद्धि हुने बैंकले विश्वास लिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?