मुख्यमन्त्री शाहद्वारा सिटी हलको शिलान्यास

धनगढी, मङ्सिर १० गते। कैलालीको लम्कीचुहा नगरपालिका–४ मा बन्ने सिटी हल, सङ्ग्रहालय लगायत अन्य संरचनाको सुदूरपश्चिम प्रदेशका मुख्यमन्त्री कमलबहादुर शाहले शिलान्यास गर्नुभएको छ।

बुधबार एक कार्यक्रमकाबिच उहाँले सिटी हल, सङ्ग्रहालयको शिलान्यास गर्नुभएको हो। प्रदेश सरकारको लगानीमा बनिरहेको सिटी हल लगायतको संरचना निर्माणका लागि १३ करोड १९ लाखमा काठमाडौंको गोरखनाथ–पूर्वपश्चिम–निधि जेभीले ठेक्का पाएको छ। 

सिटी हल निर्माणले सभा, सेमिनार, साँस्कृतिक कार्यक्रम लगायतका कार्यक्रम गर्न सहज हुने जनाइएको छ। शिलान्यास समारोहमा मुख्यमन्त्री शाहले विकासको सन्तुलन कायम गर्न आवश्यक रहेको बताउनुभयो। सन्तुुलित बजेट निर्माणप्रति आफू चिन्तित् रहेको उल्लेख गर्दै उहाँले पहाडको विकट जिल्ला बाजुरा र बझाङमा विकासको कामलाई प्राथमिकता दिने बताउनुभयो। 

मुख्यमन्त्री शाहले जनप्रतिनिधिबिच समन्वय र साझा उद्देश्य आवश्यक रहेको औंल्याउँदै सङ्ग्रहालयलाई प्रभावकारी रुपमा अगाडि बढाउन स्थानीय तह र सरोकारवाला सबै जिम्मेवार हुनु पर्नेमा जोड दिनुभयो। 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन