एनपीएलः आज लुम्बिनी लायन्स र जनकपुर बोल्ट्स आमनेसामने

काठमाडौं । सिद्धार्थ बैंक नेपाल प्रिमियर लिग (एनपीएल) अन्तर्गत आज लुम्बिनी लायन्स र जनकपुर बोल्ट्सबीच प्रतिस्पर्धा हुने भएको छ। टीयू अन्तर्राष्ट्रिय क्रिकेट मैदानमा हुने खेल साँझ ४ बजेदेखि सुरु हुनेछ।

अंकतालिकामा लुम्बिनी लायन्स चौथो स्थानमा रहेको छ। उसले खेलेका ६ मध्ये ३ खेल जित्दै ६ अंक जोडेको छ। जनकपुर बोल्ट्स भने पाँच खेल खेलेर २ अंकसहित सातौँ स्थानमा छ। जनकपुरले अहिलेसम्म एकमात्र खेलमा जित दर्ता गरेको छ।

रोहित पौडेलको कप्तानीमा रहेको लुम्बिनी लायन्स आज प्लेअफमा स्थान सुरक्षित गर्ने लक्ष्यसहित मैदान उत्रनेछ। आजको खेलमा जित हासिल गरे लुम्बिनीको अंक ८ पुग्नेछ र उसको प्लेअफ यात्रामा मजबुत संभावना रहनेछ। तर आज पराजित भएमा अन्य टोलीको नतिजाले लुम्बिनीको प्लेअफ सम्भावना निर्धारण गर्नेछ।

पछिल्लो खेलमा जित हात पारेको जनकपुर बोल्ट्स भने लगातार दोस्रो जितको लक्ष्यसहित मैदान प्रवेश गर्नेछ। जनकपुरले बाँकी दुई खेल जित्न सकेमा ६ अंक बटुल्नेछ र प्लेअफमा पुग्ने सम्भावना रनरेटका आधारमा तय हुनेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन