राष्ट्रपतिद्वारा आगामी मार्च ५ को प्रतिनिधि सभा निर्वाचन सफल बनाउन व्यापक सहयोगको आह्वान

ललितपुर । राष्ट्रपति रामचन्द्र पौडेलले जनताको जीवनस्तरमा सुधार ल्याउने विकास आजको प्रमुख आवश्यकता भएको बताएका छन्।

ललितपुर महानगरपालिकाको नयाँ भवन उद्घाटन समारोहलाई बुधबार सम्बोधन गर्दै राष्ट्रपतिले प्रभावकारी सेवा प्रवाह र सुशासन प्रवर्द्धनमा सबैले जिम्मेवारीपूर्वक ध्यान दिनुपर्ने उल्लेख गरे।

“जनताको आवाज सुन्नु र त्यसअनुसार सेवा उपलब्ध गराउनु सार्वजनिक सेवकहरूको प्रमुख दायित्व हो,” राष्ट्रपतिले भने, “लोकतन्त्र केवल शासनको प्रणाली मात्र होइन, यो जनताको भावना सुन्ने र तिनीहरूको आकांक्षा पूरा गर्ने संस्कृतिसमेत हो।”

उहाँले नयाँ पुस्ताको अपेक्षा र आकांक्षासँग मेल खाने गरी राजनीतिक नेतृत्वले आफूलाई रूपान्तरण गर्नुपर्ने आवश्यकता औंल्याए। नयाँ पुस्ता सुशासन र उत्तरदायित्वपूर्ण प्रशासन चाहने भएकाले त्यो सुनिश्चित गर्न राजनीतिक तथा प्रशासनिक तहले आफ्नो भूमिकालाई समयानुकूल बनाउनु जरुरी रहेको राष्ट्रपति पौडेलको भनाइ थियो।

राष्ट्रपतिले ५ मार्च २०२६ का लागि घोषणा गरिएको प्रतिनिधि सभा निर्वाचन सफलतापूर्वक सम्पन्न गर्न सबै पक्षको सक्रिय सहयोग आवश्यक रहेको पनि विशेष उल्लेख गरे। उहाँका अनुसार सफल निर्वाचनले संविधान र सङ्घीय लोकतान्त्रिक गणतन्त्रलाई थप सुदृढ बनाउँदै वर्तमान परिस्थितिबाट मुलुकलाई अघि बढ्ने मार्ग प्रदान गर्नेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन