धरानमा पिकअप पल्टिँदा एकको मृत्यु, ११ जना घाइते

धरान, मङ्सिर २१ गते । धरान उपमहानगरपालिकामा गाडी पल्टिँदा एकजनाको मृत्यु भएको छ भने ११ जना घाइते भएका छन्। भेडेटारबाट धरानतर्फ आउँदै गरेको प्र.१–०२–००२ च ३८२६ नम्बरको टाटा योद्धा पिकअप धरान–१३ स्थित गोर्खा वेल्फेयर मोड नजिक शनिबार राति पल्टिएको इलाका प्रहरी कार्यालय धरानका निमित्त प्रमुख प्रहरी निरीक्षक जिवन कुँवरले जानकारी दिए।

दुर्घटनामा विराटनगर–६ का २१ वर्षीय रोहन कामतले ज्यान गुमाएका छन्। घाइते ११ जनाको धरानस्थित बीपी कोईराला स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ।

घाइते हुनेहरुमा इटहरी–५ का ४० वर्षीय सञ्जय पाल, दुहबी–९ का १९ वर्षीय एमडी एकबाल राईन, विराटनगर–७ का २६ वर्षीय रोशन कामत, इटहरी–१ का २० वर्षीय दुर्गामणि चौधरी, इटहरी–४ का १८ वर्षीय शुभम् रौनियार, इटहरी–२ का १८ वर्षीय प्रदीपकुमार दास, विराटनगर–९ का २२ वर्षीय विशाल माझी, दुहबी–६ का २१ वर्षीय आयुष चौधरी, विराटनगर–९ का २२ वर्षीय बेदा मिश्र, विराटनगर–२ का २६ वर्षीय अनु कामत र गाडी चालक उदयपुर ताप्ली–२ का २८ वर्षीय जीवनकुमार श्रेष्ठ शामिल छन्। घटनाबारे थप अनुसन्धान भइरहेको प्रहरीले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन