जेनजी आन्दोलन क्षति: बीमा कम्पनीबाट ४ अर्ब ३८ करोड दाबी भुक्तानी, पुनर्बीमालाई १५ अर्ब ८१ करोडको भार

काठमाडौं। जेन–जी आन्दोलनका क्रममा भएका भौतिक तथा अन्य क्षतिबापत निर्जीवन बीमा कम्पनीहरूले उल्लेखनीय रुपमा दाबी भुक्तानी प्रक्रिया अगाडि बढाएका छन्। प्राधिकरणमा उपलब्ध पछिल्लो तथ्यांक अनुसार कूल ३,३०० वटा बीमा दाबीहरू परेका छन्, जसको कुल दाबी रकम करिब रू. २३ अर्ब ४४ करोड रहेको छ। तीमध्ये बीमा कम्पनीहरूले अहिलेसम्म अग्रिम भुक्तानीसहित करिब रू. ४ अर्ब ३८ करोड ४८ लाख रकम बीमितहरूलाई भुक्तानी गरिसकेका छन्।

बीमा कम्पनीहरूले गरेका दाबी भुक्तानी

प्राधिकरणमा रहेको १४ निर्जीवन बीमा तथा ४ लघु निर्जीवन बीमा कम्पनीहरूको अद्यावधिक विवरणअनुसार—

१. सम्पत्ति बीमा

• दाबी संख्या: ७१०

• कुल दाबी रकम: रू. १९ अर्ब १ करोड

• भुक्तानी रकम: रू. ३ अर्ब १२ करोड २७ लाख

२. मोटर बीमा

• दाबी संख्या: २,३०८

• कुल दाबी रकम: रू. ३ अर्ब ४८ करोड

• भुक्तानी रकम: रू. १ अर्ब ९ करोड

३. इन्जिनियरिङ तथा ठेक्का जोखिम बीमा

• दाबी संख्या: २२५

• कुल दाबी रकम: रू. ५५ करोड ५५ लाख

• भुक्तानी रकम: रू. ६ करोड ८१ लाख

४. परिवहन बीमा

• दाबी संख्या: १२

• कुल दाबी रकम: रू. १ करोड ६९ लाख

• भुक्तानी रकम: रू. ६६ लाख

५. अन्य बीमा

• दाबी संख्या: ४५

• कुल दाबी रकम: रू. ३८ करोड ४० लाख

• भुक्तानी रकम (अग्रिमसहित): रू. ४९ लाख

पुनर्बीमा दाबी भुक्तानी

जेन–जी आन्दोलनका क्रममा भएका क्षतिको दाबी भुक्तानीलाई सहज बनाउन नेपाल पुनर्बीमा कम्पनीले निर्जीवन बीमा कम्पनीहरूलाई करिब रू. २ अर्ब ५६ करोड अग्रिम भुक्तानीसहित पुनर्बीमा दाबी भुक्तानी गरेको जनाएको छ।

पुनर्बीमा कम्पनीमा हालसम्म १४ वटा निर्जीवन बीमा कम्पनीहरूबाट कूल २,८६१ वटा पुनर्बीमा दाबी परेका छन्, जसको कुल दाबी रकम रू. १५ अर्ब ८१ करोड रहेको अद्यावधिक तथ्यांकमा उल्लेख छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना