नेशनल लाइफ इन्स्योरेन्सद्वारा १२.५ प्रतिशत लाभांश प्रस्ताव, ४ प्रतिशत बोनस पछि चुक्ता पूँजी ५ अर्ब ६८ करोड

काठमाडौं । नेशनल लाइफ इन्स्योरेन्स कम्पनी लिमिटेडले आर्थिक वर्ष २०८१/८२ का लागि कुल १२.५ प्रतिशत लाभांश वितरण गर्ने प्रस्ताव गरेको छ।

कम्पनीको पुस ०२ गते बसेको सञ्चालक समितिको ५६९औँ बैठकले हाल कायम चुक्ता पुँजी ५ अर्ब ४७ करोड रुपैयाँको आधारमा लाभांश वितरण गर्ने निर्णय गरेको हो। प्रस्तावित लाभांशअन्तर्गत ४ प्रतिशत बोनस सेयर वितरण गरिनेछ, जसको मूल्य करिब २१ करोड ८९ लाख रुपैयाँ रहेको छ। साथै, ८.५ प्रतिशत नगद लाभांशमार्फत करिब ४६ करोड ५१ लाख रुपैयाँ वितरण गरिने प्रस्ताव गरिएको छ।

यसका अतिरिक्त, बोनस सेयर तथा नगद लाभांशमा लाग्ने कर प्रयोजनका लागि ०.६५७८९४७४ प्रतिशत नगद लाभांश (करिब ३ करोड ६० लाख रुपैयाँ) समेत प्रस्ताव गरिएको छ।

उक्त लाभांश नेपाल बीमा प्राधिकरणको स्वीकृति तथा कम्पनीको आगामी वार्षिक साधारण सभाबाट पारित भएपछि मात्र सेयरधनीहरूलाई वितरण गरिनेछ। बुधबार नेशनल लाइफको शेयर मूल्य ६१५ रुपैयाँ थियो।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना