जथाभावी प्रिमियममा आइपिओ निष्काशन रोक्न लगानीकर्ताको आह्वान, बहिष्कार गर्ने निर्णय

काठमाडौं । लगानीकर्ताहरुले जथाभावी प्रिमियममा आइपिओ निष्काशन कार्य तत्काल रोक्न नेपाल धितोपत्र बोर्डलाई आह्वान गरेका छन् । हिजो शुक्रवार भृकुटीमण्डपमा बसेको लगानीकर्ताको भेलाले प्रिमियममा निष्काशन गरिएका आइपिओहरु बहिस्कार गर्न सम्पुर्ण लगानीकर्तालाई अनुरोध समेत गरेका छन् । 

नेपाल धितोपत्र बोर्डले आम सर्बसाधारण लगानीकर्ताको हित संरक्षण गर्नुपर्ने प्राथमिक दायित्वबाट च्युत भई पूँजी बजारलाई थप संकटमा पार्ने गरी आपुर्तिको बाढी ल्याउने काम गरेको उनिहरुले आरोप लगाएका छन् । तर माग सिर्जना गर्ने कार्य फिटिक्कै नगर्नु दुखद रहेको उनिहरुको भनाइ छ । 

बुक विल्डिड प्रक्रियाको बाटो छलेर जथाभावी र अपारदर्शी रुपमा प्रिमियममा आईपीओको स्वीकृति दिने कार्य तत्काल रोक्न लगानीकर्ताले आग्रह गरेका छन् । साथै लगानीकर्ताहरुलाई जथाभावी प्रिमियम तोकेर विक्रीमा ल्याईएका आईपीओहरु बहिष्कार गरी आफ्नो लगानीको सुरक्षाप्रति सचेत हुन पनि आब्हान गरेका हुन् ।

योग्य संस्थागत लगानीकर्ताहरुलाई सहभागी र जवाफदेहि बनाएर राम्रा कम्पनीहरुलाई पूँजी बजारमा ल्याउन र बजारमा संस्थागत लगानीकर्ताको बाहुल्यता र हस्तक्षेप गराई स्थायित्व प्रदान गर्न र सर्बसाधारण लगानीकर्तामा बजारप्रति विस्वास जगाएर हित सुरक्षा गर्न धितोपत्र बोर्डलाई माग गर्ने उनिहरुले निर्णय गरेका छन् । 

शेयर धितोकर्जाको परिमार्जनलाई स्वागत गर्दै सुधारको लागि राष्ट्र बैंकलाई आग्रह गर्ने लगानीकर्ताको निर्णय

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?