झापा–५ बाट रास्वपाका बालेन्द्र शाह फराकिलो मतान्तरले विजयी

दमक, फागुन २३ गते । झापा निर्वाचन क्षेत्र नम्बर–५ बाट राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह फराकिलो मतान्तरले विजयी हुनुभएको छ।

अन्तिम मतपरिणामअनुसार शाहले नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीलाई पराजित गर्दै ६८ हजार ३४८ मतसहित विजय हासिल गर्नुभएको हो। ओलीले १८ हजार ७३४ मत प्राप्त गर्नुभएको छ। दुवैबीचको मतान्तर ४९ हजार ६१४ रहेको छ।

तेस्रो स्थानमा श्रम संस्कृति पार्टीका समिर तामाङले ९ हजार २३३ मत प्राप्त गर्नुभएको छ। त्यसैगरी नेपाली कांग्रेसकी मन्दरा चिमरियाले १ हजार ८२१, राष्ट्रिय प्रजातन्त्र पार्टीका लक्ष्मीप्रसाद संग्रौलाले १ हजार ५३६ र नेपाली कम्युनिस्ट पार्टीका रञ्जित तामाङले १ हजार ४६१ मत प्राप्त गर्नुभएको छ।

अन्तिम मतपरिणाम घोषणा हुनुअघि मतगणनास्थल र आसपासका क्षेत्रमा कडा सुरक्षा व्यवस्था गरिएको थियो। विजयी प्रमाणपत्र लिन तथा विजय घोषणा कार्यक्रममा सहभागी हुन शाह मतगणनास्थल पुग्दा नेपाली सेनासहित सुरक्षा निकाय परिचालन गरिएको थियो।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन