गणपूरक संख्या नपुग्दा दुई पटक स्थगित नेशनल हाइड्रोको साधारणसभा पुन: बोलाइयो

काठमाडौं । नेशनल हाइड्रो पावर कम्पनी लिमिटेडले पुन: वार्षिक साधारणसभाको मिति तय गरेको छ। यसअघि दुईपटक साधारणसभाका लागि मिति तय गरिए पनि गणपुरक संख्या नपुगेपछि स्थगित भएका थिए।

नयाँ मिति अनुसार फागुन ३० गते बुधबार बिहान ११:०० बजे बालुवाटारस्थित डेलिश ओपेरा रेष्ट्रो एण्ड बैंक्वेटमा साधारणसभा बोलाइएको हो।

गणपुरक संख्या नपुगी स्थगित भएको साधारणसभालाई के कसरी गर्ने भनि नियमक निकाय कम्पनी रजिष्ट्रारको कार्यालय, त्रिपुरेश्वरमा कम्पनीले निवेदन दिएको थियो।

कम्पनीले रजिष्ट्रारको कार्यालयबाट शेयरधनीहरुलाई यर्याप्त सूचना दिई न्यूनतम २५ प्रतिशत गणपुरक संख्या पुऱ्याई यथासिघ्र साधारणसभा सम्पन्न गर्ने भनि निर्देशन प्राप्त भएपछि फागुन ११ गते बसेको सञ्चालक समितिको बैठकले पुन: साधारणसभा आह्वान गरेको हो।

साधारणसभामा सञ्चालक समितिको तर्फबाट अध्यक्षले आव २०७१/०८० को वार्षिक प्रतिवेदन उपर छलफल गरी पारित गर्ने सम्बन्धमा प्रस्ताव गरिने छ भने लेखापरीक्षकको प्रतिवेदन सहित आर्थिक वर्ष २०७९/०८० को वासलात, नाफा नोक्सान हिसाब र सोही अवधिको २ नगद प्रवाह विवरणसाग सम्बन्धित अनुसूचीहरू उपर छलफल गरी पारित गर्ने जनाइएको छ।

यस्तै आव. २०८०/०८१ को लागि लेखापरिक्षक नियुक्ती गर्ने तथा निजको पारिश्रमिक निर्धारण गर्ने र कम्पनीको प्रबन्ध पत्रको दफा ६ को (क) र (ख) संसोधन गर्ने प्रस्ताव पनि साधारणसभामा पेश हुनेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन