![$adHeader[0]['title']](https://www.bfisnews.com/public/images/bigyapan/1774272772_1769061114-ss-nimb.gif)
सुनको मूल्यमा फेरि 'रेकर्ड', एकैदिन बढ्यो प्रतितोलामा ११ सय
- BFIS News
- 2024 Mar 28 12:28
काठमाडौँ । नेपाली बजारमा आज (बिहीबार) सुनको मूल्यले पुनः नयाँ रेकर्ड कायम गर्न सफल भएको छ। सुनको मूल्य आज हालसम्मकै उच्च विन्दुमा पुगेको हो। यसअघि गत चैत ८ गते हालसम्मकै उच्च मूल्यमा सुनको कारोबार भएको थियो। उक्त दिन सुन प्रतितोला १ लाख २७ हजार ८०० रूपैयाँमा कारोबार भएको थियो।
आज सुनको मूल्य तोलामा रु एक हजार एक सयले बढेको छ। नेपाल सुनचाँदी व्यवसायी महासङ्घका अनुसार छापावाल सुनको मूल्य प्रतितोलामा रु १ लाख २७ हजार ९०० पुगेको छ।
बुधबार छापावाला सुन प्रतितोला रु १ लाख २६ हजार ८०० मा कारोबार भएको थियो । यस्तै तेजाबी सुन प्रतितोला रु १ लाख २७ हजार ३०० सयमा कारोबार गर्ने गरी मूल्य निर्धारण गरिएको छ । बुधबार तेजाबी सुन प्रतितोला रु १ लाख २६ हजार २०० मा कारोबार भएको थियो ।
यस्तै आज चाँदीको मूल्य पनि बढेको छ । बुधबार प्रतितोला रु एक हजार चार सय ९० मा कारोबार भएको चाँदीको मूल्य आजका लागि रु एक हजार पाँच सय १० निर्धारण गरिएको छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया