हिमालयन लाइफ इन्स्योरेन्सको लाभांश सुरक्षित गर्ने आज अन्तिम दिन

काठमाडौँ, जेठ २७। हिमालयन लाइफ इन्स्योरेन्स कम्पनी लिमिटेड (HLI) को लाभांश सुरक्षित गर्ने आज मङ्गलबार (जेठ २७) अन्तिम दिन हो। कम्पनीले साधारण सभा तथा लाभांश वितरण प्रयोजनका लागि भोलि अर्थात् जेठ २८ गते एक दिनका लागि शेयर बुक बन्द (बुकक्लोज) गर्न लागेको हो।

यसअनुसार आजसम्म नेप्सेमा शेयर खरिद गरिसकेका तथा नाममा कायम भएका शेयरधनीहरूले कम्पनीको साधारण सभामा सहभागी हुन र प्रस्तावित लाभांश प्राप्त गर्न सक्नेछन्।

कम्पनीले आगामी असार १० गते, मङ्गलबार काठमाडौँको भाटभटेनीस्थित आम्रपाली ब्यांकेटमा आठौँ वार्षिक साधारण सभा आह्वान गरेको छ। सभा बिहान १०:३० बजे सुरु हुने कार्यक्रम छ।

सभाले हालको चुक्तापूँजीको ८ प्रतिशत दरले नगद लाभांश (करसहित) वितरण गर्ने विशेष प्रस्ताव पारित गर्नेछ। साथै, कम्पनीको प्रबन्धपत्र तथा नियमावली संशोधन गर्न, आवश्यक परे प्रस्तावित विषयहरूमा फेरबदल तथा परिमार्जन गर्न सञ्चालक समितिलाई अख्तियारी दिने, नयाँ लेखापरीक्षक नियुक्त गर्ने लगायतका प्रस्तावहरू पनि सभामा पेश गरिनेछ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना