एशियन ब्याट्रीजको आईपीओ व्यवस्थापन गर्न हिमालयन क्यापिटल नियुक्त

काठमाडौं, साउन २: हिमालयन क्यापिटल लिमिटेड र एशियन ब्याट्रीज लिमिटेडबीच प्रारम्भिक सार्वजनिक निष्काशन (आईपीओ) व्यवस्थापनसम्बन्धी सम्झौता सम्पन्न भएको छ। सम्झौताअनुसार हिमालयन क्यापिटलले एशियन ब्याट्रीजको आईपीओ निष्काशन व्यवस्थापन गर्नेछ।

विसं २०७० मा स्थापना भई मोरङमा मुख्यालय रहेको एशियन ब्याट्रीजले आफ्नो कुल चुक्ता पूँजी ६५ करोड रुपैयाँको २० प्रतिशत अर्थात् १३ लाख कित्ता सेयर सार्वजनिक निष्काशनमार्फत बिक्री गर्ने योजना सार्वजनिक गरेको छ। उक्त सेयरको कुल मूल्य १६ करोड रुपैयाँ हुनेछ।

एशियन ब्याट्रीज नेपालमा सिसा-एसिड ब्याट्री उत्पादन गर्ने प्रमुख कम्पनीहरूमध्ये एक हो। कम्पनीले सवारी साधन, विद्युतीय रिक्सा, स्कुटर, मोटरसाइकल र सोलार प्रणालीमा प्रयोग हुने ब्याट्री उत्पादन गर्दै आएको छ। कम्पनीले निकट भविष्यमा लिथियम ब्याट्री उत्पादन र पुराना ब्याट्री पुनः प्रयोग (रिसाइकल) गर्ने योजनासमेत अघि सारेको छ।

ललितपुरमा मुख्य कार्यालय रहेको एशियन ब्याट्रीजका देशभर विभिन्न शाखा कार्यालयहरू छन्। कम्पनीले भरपर्दो, गुणस्तरीय र सुलभ मूल्यमा सेवा प्रदान गर्दै नेपालको सबैभन्दा विश्वासिलो पावर सोलुशन ब्रान्ड बन्ने लक्ष्य लिएको जनाएको छ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?