सान्भि इनर्जीको पहिलो कारोबार ३५९ रुपैयाँमा, स्पेशल प्रि–ओपन सेसनमा सुरुआत

काठमाडौं, साउन ४।   सान्भि इनर्जी लिमिटेड (SANVI) को पहिलो शेयर कारोबार आज आइतबार स्पेशल प्रि–ओपन सेसनमा सम्पन्न भएको छ। नेप्सेमा नयाँ सूचीकृत भएको कम्पनीको शेयर पहिलो पटक प्रतिकित्ता ३५९ रुपैयाँमा कारोबार भएको हो।

सान्भि इनर्जीको शेयर यही साउन १ गते (बिहीबार) नेपाल स्टक एक्सचेञ्ज (नेप्से) मा सूचीकरणमा आएको थियो। कम्पनीले सर्वसाधारणका लागि निष्काशन गरेको ३७ लाख ९० हजार कित्ता र संस्थापक समूहको ५० लाख १० हजार कित्ता गरी जम्मा ८८ लाख कित्ता शेयर धितोपत्र सूचीकरण विनियमावली, २०७५ बमोजिम सूचीकरणमा ल्याइएको हो।

नेप्सेले पहिलो कारोबारका लागि कम्पनीको शेयर मूल्यको ओपनिङ रेञ्ज १२० रुपैयाँ ७४ पैसादेखि ३६२ रुपैयाँ २२ पैसासम्म निर्धारण गरेको थियो। आजको सेसनमा सो दायरा भित्र रहेर कारोबार सुरु भएको हो।

सान्भि इनर्जीको शेयर टिकर “SANVI” अन्तर्गत कारोबार भएको छ। कम्पनीको शेयर मूल्य स्थायित्व र बजारको मागअनुसार अबको नियमित कारोबारमा निर्धारण हुँदै जानेछ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?