गणपति लघुवित्तको नाफा १ सय ७९ प्रतिशतले वृद्धि, चौथो त्रैमासमा ४ करोड २५ लाख रुपैयाँ खुद नाफा

काठमाडौं, साउन २०।  गणपति लघुवित्त वित्तीय संस्था लिमिटेड (GMFBS) ले आर्थिक वर्ष २०८१/८२ को चौथो त्रैमासमा ४ करोड २५ लाख रुपैयाँ खुद नाफा आर्जन गरेको छ।

अघिल्लो वर्षको सोही अवधिमा १ करोड ५२ लाख रुपैयाँ नाफा कमाएको संस्थाले यो वर्ष १७९.५० प्रतिशतको उल्लेख्य वृद्धि गरेको हो। नाफा वृद्धिको मुख्य कारण नेट इन्टरस्ट आम्दानीमा भएको तीव्र वृद्धि हो।

चौथो त्रैमाससम्ममा संस्थाको खुद ब्याज आम्दानी ४१.७१ प्रतिशतले बढेर १७ करोड २७ लाख रुपैयाँ पुगेको छ। अघिल्लो वर्ष सोही अवधिमा यो रकम १२ करोड १९ लाख रुपैयाँ थियो। ब्याज खर्च २१.८४ प्रतिशतले घट्नु र कर्जा स्रोत लागत १५.२१ प्रतिशतले घटेर ६.६९ प्रतिशतमा झर्नुले पनि आम्दानीमा सकारात्मक असर परेको देखिन्छ।

गणपति लघुवित्तको प्रतिशेयर आम्दानी (EPS) २८ रुपैयाँ ०४ पैसा पुगेको छ, जुन अघिल्लो वर्षको १० रुपैयाँ ०३ पैसाबाट उल्लेख्य रूपमा वृद्धि हो। त्यस्तै, प्रतिशेयर नेटवर्थ १८.७१ प्रतिशतले बढेर १७७ रुपैयाँ ४५ पैसा पुगेको छ। समीक्षावधिको अन्त्यमा कम्पनीको शेयर मूल्य १,६४५ रुपैयाँ १० पैसा रहेको छ, जसअनुसार मूल्य–आर्जन अनुपात (P/E Ratio) ५८.६६ गुणा पुगेको छ।

१५ करोड १५ लाख रुपैयाँ चुक्ता पूँजी रहेको कम्पनीको जगेडा कोष ९ करोड १० लाख रुपैयाँ पुगेको छ, जुन अघिल्लो वर्षको तुलनामा १८.८८ प्रतिशतले वृद्धि हो। सञ्चित मुनाफा २ करोड ६४ लाख रुपैयाँ रहेको छ, जबकि अघिल्लो वर्ष यसमा नकारात्मक स्थिति थियो।

समीक्षा अवधिमा ग्राहक निक्षेप ६.१७ प्रतिशतले बढेर ५० करोड ३७ लाख रुपैयाँ पुगेको छ भने कर्जाको लागि लिएको ऋण १९.९९ प्रतिशतले बढेर १ अर्ब ७६ करोड रुपैयाँ नजिक पुगेको छ। लघुवित्तले ग्राहकलाई दिएको कर्जा तथा अग्रिम ११.४७ प्रतिशतले वृद्धि भएर २ अर्ब २९ करोड रुपैयाँ पुगेको छ।

संपत्ति गुणस्तरमा समेत सुधार देखिएको छ। गैर-सञ्चालित कर्जा अनुपात (NPL) अघिल्लो वर्षको ५.८४ प्रतिशतबाट घटेर ४.५१ प्रतिशतमा झरेको छ, जुन २२.७७ प्रतिशतको गिरावट हो। पुँजी पर्याप्तता अनुपात (CAR) ८.६८ प्रतिशत पुगेको छ।

अपरेसनल खर्च ११.३८ प्रतिशतले घटेको र ऋण नोक्सानी प्रयोजनको लागि छुट्टाइएको रकम स्थिर राखिए पनि सञ्चालन नाफा १ सय ६८.२७ प्रतिशतले वृद्धि भई ६ करोड ७ लाख रुपैयाँ पुगेको छ।

गणपति लघुवित्तले वित्तीय सूचकमा देखाएको यो प्रगति संस्थाको वित्तीय व्यवस्थापनमा सुधार र ऋण परिचालन क्षमताको संकेतका रूपमा हेरिएको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित

राजश्व राष्ट्रको रगत पसिना भएकोले बगेर गएको टुलुटुलु हेरेर बस्न सकिदैन : अर्थमन्त्री शर्मा