![$adHeader[0]['title']](https://www.bfisnews.com/public/images/bigyapan/1774272772_1769061114-ss-nimb.gif)
घोराही सिमेन्ट इण्डष्ट्री लिमिटेडको नोक्सानी घट्यो, बिक्री आम्दानी र कुल नाफा वृद्धि
- BFIS News
- 2025 Aug 12 12:07
काठमाडौं । घोराही सिमेन्ट इण्डष्ट्री लिमिटेडले आर्थिक वर्ष २०७९/८० को चौथो त्रैमाससम्मको अपरिष्कृत वित्तीय विवरण सार्वजनिक गरेको छ। सार्वजनिक विवरणअनुसार कम्पनीको खुद नोक्सानी अघिल्लो आर्थिक वर्षको सोही अवधिको तुलनामा उल्लेखनीय रूपमा घटेको छ।
गत आर्थिक वर्ष कम्पनीले ६६ करोड रुपैयाँ नोक्सानी व्यहोरेको छ, जुन अघिल्लो आर्थिक वर्षको १ अर्ब ४४ करोड रुपैयाँ नोक्सानीको तुलनामा ७८ करोड रुपैयाँले कम हो। कम्पनीको बिक्री आम्दानीमा सुधार आएपछि नोक्सानी घटेको देखिन्छ।
वित्तीय विवरण अनुसार, समीक्षा अवधिमा कम्पनीको बिक्री आम्दानी १२.७९ प्रतिशतले वृद्धि भई ५ अर्ब ५ करोड रुपैयाँ पुगेको छ। त्यस्तै, कुल नाफा २३२.५४ प्रतिशतले बढेको छ। यद्यपि, कम्पनीको वित्तीय खर्च भने १७.१० प्रतिशतले बढेर ८९ करोड २० लाख रुपैयाँ पुगेको छ।
हाल कम्पनीको चुक्ता पूँजी ४ अर्ब ५६ करोड रुपैयाँ रहेको छ भने जगेडा कोषमा ४ अर्ब ४ करोड रुपैयाँ सञ्चित छ। गत असार मसान्तसम्म कम्पनीको प्रतिशेयर आम्दानी (EPS) ऋणात्मक १४ रुपैयाँ ४६ पैसा रहेको छ। तर, कम्पनीको प्रतिशेयर नेटवर्थ भने १८८ रुपैयाँ ४७ पैसा रहेको छ। कम्पनीले आगामी त्रैमासमा नोक्सानी अझै घटाउने रणनीतिमा लागेको जनाएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया