आरबिबि फोकस ४० को इकाई खरिदका लागि आजदेखि आवेदन खुला

काठमाडौं, भदौ १८ । आरबिबि मर्चेन्ट बैंकिङ लिमिटेडले आफ्नो व्यवस्थापनमा सञ्चालन हुने सामूहिक लगानी कोष आरबिबि फोकस ४० को इकाई आजदेखि सर्वसाधारणका लागि सार्वजनिक निष्काशन (IPO) मा ल्याएको छ।

यसअन्तर्गत प्रतिइकाई १० रुपैयाँ अंकित दरमा एक अर्ब रुपैयाँ बराबरको १० करोड इकाई बिक्रीमा ल्याइएको छ। जसमध्ये न्यूनतम १ करोड ४० लाख इकाई (१४ प्रतिशत) राष्ट्रिय वाणिज्य बैंकका लागि र न्यूनतम १० लाख इकाई (१ प्रतिशत) आरबिबि मर्चेन्ट बैंकिङका लागि सुरक्षित गरिएको छ। सर्वसाधारणका लागि बाँकी ८ करोड ५० लाख इकाई उपलब्ध हुनेछन्।

निवेशकहरूले न्यूनतम १०० इकाईदेखि अधिकतम एक करोड इकाईसम्म आवेदन दिन सक्ने व्यवस्था गरिएको छ। सार्वजनिक निष्काशन भदौ २२ गतेसम्म बन्द हुनेछ भने सो अवधिमा सबै इकाई बिक्री नभएमा असोज १ गतेसम्म निष्काशन अवधि लम्बिन सक्छ।

१२ वर्ष अवधिको यस योजनामा लगानी गर्नका लागि नेपाल धितोपत्र बोर्डबाट स्वीकृति प्राप्त सि–आस्बा सेवामा सहभागी बैंक तथा वित्तीय संस्थाहरु र तिनका शाखाबाट आवेदन दिन सकिनेछ। साथै, मेरो शेयर अनलाइन प्रणालीमार्फत पनि आवेदन दिने सुविधा उपलब्ध छ।

इकाई निष्काशनका लागि गरिएको रेटिङमा केयर रेटिङ नेपाल ले कोष प्रवर्द्धकलाई ‘केयर एनपी ए प्लस इश्यूअर रेटिङ’ दिएको छ भने योजना व्यवस्थापकलाई इक्रा नेपाल ले ‘इक्राएनपी एएमसी क्वालिटी–३’ रेटिङ प्रदान गरेको छ।

उक्त कोषले नेप्सेमा सूचीकृत कम्पनीहरूको धितोपत्रको आन्तरिक मूल्यांकन गरी उच्चतम प्रतिफल दिने सम्भाव्य ४० कम्पनीलाई प्राथमिकतामा राखेर लगानी गर्ने योजना बनाएको छ। आवश्यकता अनुसार समय र परिस्थितिअनुसार ४० भन्दा बढी कम्पनीमा समेत लगानी गर्न सकिने उल्लेख छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?