नेपाल राष्ट्र बैंकले आज बैंकिङ प्रणालीबाट ५० अर्ब रुपैयाँ तान्ने, बजारमा अधिक तरलता

काठमाडौं, भदौ १८ – नेपाल राष्ट्र बैंकले आज फेरि बैंकिङ प्रणालीबाट ५० अर्ब रुपैयाँ तान्ने भएको छ। बजारमा अधिक तरलता रहेको भन्दै केन्द्रीय बैंकले निक्षेप संकलन उपकरणको प्रयोगमार्फत उक्त रकम संकलन गर्न लागेको हो।

राष्ट्र बैंकका अनुसार आज दिउँसो ३ बजे निक्षेप संकलनको बोलकबोल हुने छ। बैंक तथा वित्तीय संस्थाहरूले न्यूनतम १० करोड रुपैयाँ र अधिकतम ५ अर्ब रुपैयाँसम्मको बोलकबोल गर्न सक्नेछन्। बोलकबोल गर्दा ५ करोड रुपैयाँको गुणांकमा भाग गर्दा बाँकी नपर्ने गरी प्रस्ताव गर्नुपर्नेछ।

निक्षेप संकलनको बोलकबोल ब्याजदरका आधारमा हुनेछ, र बहुब्याजदरको आधारमा बहुबोलकबोल गर्न पनि सकिने व्यवस्था गरिएको छ। यस बोलकबोल प्रक्रियामा ‘क’, ‘ख’ र ‘ग’ वर्गका बैंक तथा वित्तीय संस्थाहरू मात्र सहभागी हुन पाउने छन्। २५ दिन अवधिको यो निक्षेप संकलन उपकरणको साँवा तथा ब्याज असोज १२ गते भुक्तानी गरिने राष्ट्र बैंकले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?