कामना सेवा विकास बैंकद्वारा १५.७८९५% लाभांश घोषणा, लाभांश घोषणा गर्ने पहिलो विकास बैंक

काठमाडौं, भदौ २२ गते। कामना सेवा विकास बैंक लिमिटेडले आर्थिक वर्ष २०८१/८२ का लागि आफ्ना सञ्चित नाफाबाट कुल १५.७८९५ प्रतिशत लाभांश वितरण गर्ने घोषणा गरेको छ। बैंकले सो लाभांश अन्तर्गत १० प्रतिशत बोनस सेयर र ५.७८९५ प्रतिशत नगद लाभांश (करसहित) वितरण गर्ने जनाएको छ।

बैंकका प्रमुख कार्यकारी अधिकृत (CEO) दिनेश थकालीले जानकारी दिएअनुसार, उक्त प्रस्ताव आईतवार दिउँसो ४ बजे केन्द्रीय कार्यालयमा बसेको सञ्चालक समितिको बैठकले पारित गरेको हो।

यो निर्णयसँगै कामना सेवा विकास बैंक चालु आर्थिक वर्ष २०८१/८२ मा लाभांश घोषणा गर्ने पहिलो विकास बैंक बनेको छ। अघिल्लो आर्थिक वर्ष २०८०/८१ मा बैंकले १२ प्रतिशत कुल लाभांश वितरण गरेको थियो।

बैंकले प्रस्ताव गरेको लाभांश नेपाल राष्ट्र बैंकको स्वीकृति तथा आउने १९औं वार्षिक साधारण सभाको अनुमोदन पछि मात्र शेयरधनीहरूलाई वितरण गरिनेछ। कामना सेवा विकास बैंकको यस निर्णयलाई स्थायीत्व र दिगो वृद्धिको संकेतका रूपमा हेरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?