भारतले १६ हजार विदेशीलाई निस्कासन गर्ने, केही नेपाली पनि पर्ने आशंका

नयाँदिल्ली । भारत सरकारले इतिहासकै सबैभन्दा ठूलो निस्कासन अभियान सुरु गर्ने घोषणा गरेको छ। गृहमन्त्री अमित शाहले १६ हजार विदेशी नागरिकलाई आगामी १५ दिनभित्र भारतबाट निस्कासन गरी पुनः प्रवेश निषेध गर्ने बताएका छन्।

शाहका अनुसार नारकोटिक्स कन्ट्रोल ब्यूरो (एनसिबी) को सिफारिसमा लागू औषध नियन्त्रण अभियान अन्तर्गत ती विदेशीलाई निस्कासन गर्न लागिएको हो। उनले यो भारतमा लागू औषध नियन्त्रणका लागि चालेको सबैभन्दा कठोर कदम भएको दाबी गरे।

एनसिबीले भारतमा बढ्दो लागू औषधको समस्यामा विदेशी नागरिकको महत्वपूर्ण संलग्नता रहेको निष्कर्ष निकालेको छ। त्यसैका आधारमा लागू औषध कारोबार वा ओसारपसारमा संलग्न आशंकित विदेशी नागरिकलाई ‘फेरि फर्किन नपाउने’ गरि निस्कासन गर्ने निर्णय भएको हो।

यो अभियानअन्तर्गत सेप्टेम्बर महिनाभित्रै १ किलोभन्दा बढी कडा खालका लागू औषध नष्ट गर्ने गरी ‘नशामुक्ति अभियान’ समेत सुरु गरिएको छ।

हालसम्म निस्कासन हुने नागरिक कुन–कुन देशका हुन् भन्ने खुलाइएको छैन। तर, भारतीय सञ्चारमाध्यमले उक्त सूचीमा केही नेपाली नागरिक पनि पर्ने सम्भावना रहेको दाबी गरेका छन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन