शेयरधनीको कहिल्यै हात खाली नगर्ने सिटिजन बैंक, ५% बोनस सेयर घोषणा, चुक्ता पुँजी साढे १५ अर्ब पुग्ने

काठमाडौं, १० असोज। शेयरधनीको कहिल्यै हात खाली नगर्ने सिटिजन बैंकले गत आर्थिक वर्ष २०८१/८२ को मुनाफाबाट ५ प्रतिशत बोनस शेयर वितरण गर्ने घोषणा गरेको छ।

बैंकको सञ्चालक समितिको ४९१औं बैठक २०८२ साल असोज १० गते बिहान ११ बजे बसेको बैठकले सो निर्णय गरेको हो। बैठकले २०८२ असार मसान्तसम्मको चुक्ता पुँजी रू. १४ अर्ब ७६ करोड ९० लाख १२ हजार ९६६ को ५ प्रतिशतले हुने रु. ७३ करोड ८४ लाख ५० हजार ६४८.३० बराबरको बोनस सेयर वितरण गर्ने प्रस्ताव गरेको छ।

यसका साथै, कर प्रयोजनका लागि ०.२६३ प्रतिशतले हुन आउने रु. ३ करोड ८८ लाख ६५ हजार ८२३.५९ नगद लाभांश पनि दिने निर्णय गरिएको छ।

बैंकले जुनसुकै आर्थिक अवस्था वा विपरीत परिस्थितिमा पनि लाभांश वितरण गर्दै आएको छ। यसपटक पनि निरन्तरता दिँदै लाभांश प्रस्ताव गरिएको हो।

प्रस्तावित लाभांश नेपाल राष्ट्र बैंकको स्वीकृति र बैंकको वार्षिक साधारण सभाबाट पारित भएपछि मात्र वितरण प्रक्रिया सुरु गरिने बैंकले जानकारी गराएको छ।

लाभांश वितरणपछि बैंकको चुक्ता पुँजी बढेर साढे १५ अर्ब रुपैयाँ पुग्नेछ। यसले बैंकको पूँजी आधार थप मजबुत हुने विश्वास बैंकले व्यक्त गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?