नेपाल इन्भेष्टमेन्ट बैंकले पोखराको अमरसिंह शाखाको लकर स्थानान्तरण गर्दै, सामान सुरक्षित गर्न अनुरोध

पोखरा । नेपाल इन्भेष्टमेन्ट मेगा बैंक लिमिटेडले कास्की जिल्लाको पोखरा महानगरपालिका–१०, अमरसिंहचोकमा अवस्थित आफ्नो अमरसिंह शाखा कार्यालय नयाँ भवनमा स्थानान्तरण गर्न लागेको छ । बैंकले जारी गरेको सूचनाअनुसार शाखा कार्यालय मिति २०८२ कार्तिक १६ गतेदेखि नयाँ स्थानबाट सञ्चालन हुने भएको हो ।

यसै क्रममा शाखामा रहेको लकर सेवा मिति २०८२ कार्तिक १४ गतेमा स्थानान्तरण गरिने भएकाले, उक्त शाखामा लकर प्रयोग गर्ने ग्राहक महानुभावहरूले सो मितिभित्र बिहान १० बजेदेखि दिउँसो १ बजेसम्म सम्पर्क राखी टुटफुट हुन सक्ने सामग्रीहरू सुरक्षित गर्न अनुरोध गरिएको छ । बैंकले अन्यथा लकर स्थानान्तरणको क्रममा हुन सक्ने क्षतिप्रति बैंक जिम्मेवार नहुने स्पष्ट पारेको छ ।

सूचनाअनुसार, हालको शाखा स्थानबाट करिब ५० मिटर पश्चिमतर्फ नयाँ भवनमा शाखा स्थानान्तरण हुनेछ । नयाँ शाखा पनि पोखरा महानगरपालिका–१०, अमरसिंहचोकमै अवस्थित रहनेछ ।

बैंकले ग्राहकहरूमा पर्न सक्ने असुविधाप्रति क्षमायाचना गर्दै थप जानकारीका लागि नेपाल इन्भेष्टमेन्ट मेगा बैंकको सम्बन्धित शाखामा सम्पर्क राख्न अनुरोध गरेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?