मनास्लु क्षेत्रमा पर्यटकलाई उद्धारमा समस्या

सुलीकोट, कात्तिक १४ गते। मनास्लु क्षेत्र घुम्न गएका काठमाडौं टोखा नगरपालिका–६ की ४४ वर्षीया मिनु इन्द्र लम्सालको दुई दिनदेखि उद्धार हुन कठिनाइ भएको छ।

भारी बर्षाले मनास्लु क्षेत्रमा  बिहीबार बिहान ११ बजे चुमनुब्री गाउँपालिका–५ बिहीमा पैदल यात्राका क्रममा भीरबाट खसेको ढुंगाले लागेर लम्साल गम्भीर रूपमा घाइते भएको हो। प्रतिकूल मौसमका कारण उद्धार कार्य गर्न कठिनाइ भएको जिल्ला प्रहरी कार्यालय गोरखाका प्रहरी नायब उपरीक्षक राजकुमार श्रेष्ठले जानकारी दिनुभयो।

‘घाइतेको टाउकोमा गम्भीर चोट लागेको छ,’ उहाँले भन्नुभयो, ‘मानिसले बोक्दै ल्याउँदा अझ जोखिम हुने भएकाले स्थानीय स्वास्थ्यकर्मीको निगरानीमा लम्साललाई स्थानीयको एक घरमा राखिएको छ।’

प्रहरीका अनुसार, टाउकोमा गम्भीर चोटका कारण लम्साललाई उपचारका लागि काठमाडौं लैजानुपर्ने भए पनि खराब मौसमका कारण हालसम्म लैजान नसकिएको हो। उक्त घटनास्थल इलाका प्रहरी कार्यालय लार्केबाट दक्षिणतर्फ पर्ने बुरनभीर क्षेत्रमा रहेको छ, जहाँ पुग्न करिब चार घण्टा पैदल हिँड्नुपर्छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन