झापामा छिमेकीद्वारा अपहरणपछि हत्या, दुई जना पक्राउ

दमक, कात्तिक १७ गते । झापाको शिवसताक्षी–१० माइधारका ३३ वर्षीय सरोज शर्मा आफ्नै छिमेकीद्वारा अपहरणपछि हत्या भएको रहस्य खुलेको छ।

गत आइतबार ‘कार धुने’ भन्दै घरबाट निस्किएका शर्मा सम्पर्कविहीन भएपछि परिवारले खोजतलास थाल्यो। प्रारम्भिक अनुसन्धानमा छिमेकी सुनिल साह र उनका सहयोगी राहुल साहले शर्मा अपहरण गरेर हत्या गरेको पुष्टि भएको जिल्ला प्रहरी कार्यालय झापाले जनाएको छ।

प्रहरीका अनुसार, अपहरण गरिएको दिन नै हथौडाले टाउकोमा प्रहार गरी हत्या गरिएको थियो। घटना पछि मृतकको शव झापा गाउँपालिका हुलाकी राजमार्गको विरिङ पुलमुनि गाडिएको थियो। हत्या भएको चार दिनपछि मृतकको सवारी साधन जंगल नजिकको सामुदायिक वनमा जलाइएको अनुसन्धानबाट खुलेको छ।

पक्राउ परेका व्यक्तिहरू अपहरण, शरीर बन्धक राख्ने र कर्तव्य ज्यानको अभियोगमा अनुसन्धानको क्रममा छन्। घटनामा संलग्न अन्य व्यक्तिको खोजी जारी रहेको प्रहरीले जनाएको छ।

शर्मा काठमाडौंस्थित एक आइटी कम्पनीमा कार्यरत थिए र तिहार–छठ मनाउन घर आएको बताइएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन