इङ्ग्ल्यान्डका जोहन सिम्पसन एनपिएलमा काठमाडौँ गोर्खाजका खेलाडी

काठमाडौँ, मङ्सिर १८ गते । इङ्ग्ल्यान्ड राष्ट्रिय टोलीका पूर्व विकेटकिपर–ब्याट्सम्यान जोहन सिम्पसन आगामी नेपाल प्रिमियर लिग (एनपिएल) क्रिकेटमा काठमाडौँ गोर्खाजबाट खेल्ने भएका छन् ।

काठमाडौँ स्पोर्ट्स डेभलपमेन्ट भेन्चर्स प्रालिको स्वामित्वमा रहेको काठमाडौँ गोर्खाजले एनपिएल–२ का लागि सिम्पसनसँग अनुबन्ध गरेको हो।

३७ वर्षीय सिम्पसनले इङ्ग्ल्यान्डबाट तीन एकदिवसीय अन्तर्राष्ट्रिय खेल खेलेका छन्। सन् २०२१ मा पाकिस्तानविरुद्ध भएको सिरिजमा उनले सबै तीन खेल खेलेका थिए। लर्डसमा भएको दोस्रो खेलमा उनले १७ रन बनाउनासाथ ५ क्याच पनि समातेका थिए।

सिम्पसनले इङ्ग्ल्यान्डको घरेलु क्रिकेटमा ५४२ खेल खेलेका छन् र १६ हजार ५०० भन्दा बढी रन बनाइसकेका छन्। २२९ प्रथम श्रेणी खेलमा १९ शतकसहित ११ हजार ३५१ रन बनाएका उनी अनुभवी खेलाडी मानिन्छन्।

यसअघि नै काठमाडौँ गोर्खाजले दक्षिण अफ्रिकाका विकेटकिपर–ब्याटर रिकार्डो भास्कोनेसेलोस, नामिबियाका कप्तान जेरहार्ड इरास्मस, अमेरिकी ब्याटर मिलिन्द कुमार, र इङ्ग्लिस काउन्टी खेलाडी बेन चाल्सवर्थ लाई पनि आगामी सिजनका लागि अनुबन्ध गरिसकेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन