इलाममा ‘जेनजी आन्दोलन’का तीन घाइते अझै सम्पर्कविहीन

इलाम, कात्तिक २० गते ।गत भदौ २३ र २४ गते भएको ‘जेनजी आन्दोलन’का क्रममा घाइते भएका इलामका तीन व्यक्ति हालसम्म सम्पर्कमा आएका छैनन्।

सम्पर्कविहीन हुनेमा इलामकी २४ वर्षीया पुनम लिम्बू, फिक्कलका २१ वर्षीय जीवन मगर र १८ वर्षीय आमोस राई रहेका छन्। जिल्ला प्रशासन कार्यालय इलामका अनुसार उनीहरूको अवस्था र ठेगाना सम्बन्धी कुनै जानकारी प्राप्त भएको छैन।

इलामका सहायक प्रमुख जिल्ला अधिकारी भोलानाथ गुरागाईंका अनुसार,“यी व्यक्तिहरु अहिले कहाँ हुनुहुन्छ, कस्तो अवस्थामा हुनुहुन्छ — हामीलाई जानकारी आएको छैन। प्रशासनमा जेनजी आन्दोलनका घाइतेहरुको परिचयपत्र र उपचार खर्चका कागजात आएका छन्, तर यी तीन जनाको खोजी गर्न सकिएको छैन। अन्य जिल्लामा बसोबास गर्नुभएकाले भए पनि सम्पर्क गर्न आग्रह गरेका छौं।”

जेनजी आन्दोलनका क्रममा इलाममा एक प्रहरी मात्र घाइते भएका थिए। आन्दोलनका क्रममा इलाम नगरपालिका, माई नगरपालिकाका कार्यालय, करदाता सेवा कार्यालय, जिल्ला निर्वाचन कार्यालय र विभिन्न राजनीतिक दलका कार्यालयमा आगजनी तथा तोडफोड भएको थियो।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन