राष्ट्रिय जीवन बीमा कम्पनीका नवनियुक्त अध्यक्ष अर्याललाई प्राधिकरणमा पद तथा गोपनीयताको शपथ

काठमाडौं। नेपाल बीमा प्राधिकरणका अध्यक्ष जनक राज शर्माले राष्ट्रिय जीवन बीमा कम्पनी लिमिटेडका नवनियुक्त अध्यक्ष रमेश अर्याललाई आज प्राधिकरणको केन्द्रीय कार्यालय, कुपण्डोलमा पद तथा गोपनीयताको शपथ ग्रहण गराएका छन्।

कम्पनीको सञ्चालक समितिको २०८२ साल मंसीर ५ गते बसेको बैठकले कम्पनीका सञ्चालक तथा आन्तरिक राजस्व विभागका उपमहानिर्देशक रहेका अर्याललाई सञ्चालक समितिको अध्यक्षमा नियुक्त गर्ने निर्णय गरेको थियो। सोही निर्णयअनुसार आज उनलाई शपथ गराइएको हो।

शपथ ग्रहण समारोहमा नेपाल बीमा प्राधिकरणका निर्देशक पूजन ढुंगेल अधिकारी, राष्ट्रिय जीवन बीमा कम्पनी लिमिटेडका प्रमुख कार्यकारी अधिकृत सुन्दर पन्थी सहित अन्य पदाधिकारीहरूको उपस्थिती रहेको प्राधिकरणले जनाएको छ।

नवनियुक्त अध्यक्ष अर्यालले कम्पनीको सुशासन, सेवा विस्तार तथा बीमा क्षेत्रको विश्वसनीयता अभिवृद्धिमा आफू प्रतिबद्ध रहने बताएका छन्। 

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना