सन नेपाल लाइफ बागमती प्रदेशद्धारा बीमा सचेतना कार्यक्रम सम्पन्न

काठमाडौं। सन नेपाल लाइफ इन्स्योरेन्स कम्पनी बागमती प्रदेशले विभिन्न शाखा कार्यालयहरू मार्फत शैक्षिक संस्था, सहकारी तथा स्थानीय निकायसँग समन्वय गर्दै व्यापक रुपमा बीमा सचेतनामूलक कार्यक्रम सम्पन्न गरेका छ।

कम्पनीकी बागमती प्रदेश प्रमुख लोकमाया अधिकारीले प्रदेशभरका शाखाहरूले विद्यार्थी, शिक्षक, वैदेशिक रोजगारमा जाने व्यक्तिहरू तथा सहकारी क्षेत्रमा संलग्न समूहलाई लक्षित गर्दै निरन्तर रूपमा बीमा सचेतना कार्यक्रमहरू सञ्चालन गरेको जानकारी दिइन्। उनले बीमा व्यवसायप्रति जनस्तरमा बुझाइ बढाउन कम्पनीले विविध अभियान, अन्तरक्रिया तथा अभिमुखिकरण कार्यक्रम सञ्चालन गरेको बताइन्।

अधिकारीका अनुसार कम्पनीले विशेषगरी वैदेशिक रोजगार बीमाका बारेमा जनचेतना वृद्धि गर्ने उद्देश्यले समय–समयमा अभिमुखिकरण तालिम सञ्चालन गर्दै आएको छ। साथै, वैदेशिक श्रमिक तथा अभिभावकलाई लक्षित गरेर विभिन्न जनचेतनामूलक भिडियो सामग्रीसमेत उत्पादन गरिएको छ, जसले बीमाको महत्वबारे जनस्तरमा प्रभावकारी सन्देश प्रवाह भएको छ।

विद्यार्थी लक्षित कार्यक्रमअन्तर्गत, नयाँबजार शाखाले ग्रामीण आदर्श बहुमुखी क्याम्पस, चाबहिल शाखाले पुष्पलाल मेमोरियल कलेज, पेप्सीकोला शाखाले मुलपानीचौरस्थित नेपाल राष्ट्रिय निर्माण स्कूल, सूर्यविनायक शाखाले क्यानडिड करिअर सेकेण्डरी स्कुल, राधेराधे शाखाले काभ्रेपलान्चोकको पाचखाल–१२, बालुवा स्थित आजात उच्च माध्यमिक विद्यालय तथा कलंकी शाखाले रामेछापको खाँडादेवी मा.वि.मा विद्यार्थीहरूलाई बीमा सम्बन्धी सचेतनामूलक कार्यक्रम सञ्चालन गरेका थिए।

शिक्षक लक्षित कार्यक्रमअन्तर्गत चापागाउँ शाखाले नवज्योति माध्यमिक विद्यालय, जिरी शाखाले श्री चेर्दुङ प्राथमिक विद्यालय तथा नयाँबजार शाखाले नागार्जुन माध्यमिक विद्यालय, तारकेश्वरका शिक्षकहरूलाई लक्षित गर्दै बीमा सचेतनामूलक कार्यक्रम सम्पन्न गरेका थिए।

यस्तै, कम्पनीले वैदेशिक रोजगारमा जान लागेका नेपाली नागरिकलाई बीमासम्बन्धी आवश्यक जानकारी दिने उद्देश्यले वैदेशिक रोजगार अभिमुखिकरण तालिम पनि निरन्तर सञ्चालन गर्दै आएको छ। कम्पनीले वैदेशिक रोजगारमा जाने व्यक्तिहरु र उनिहरुका आश्रित परिवारको भविष्यका लागि यो कार्यक्रम आयोजना गरिएको अधिकारीले बताइन्।

उक्त कार्यक्रमहरूका क्रममा गाउँपालिका तथा स्थानीय जनप्रतिनिधिसँग जीवन बीमाका विषयमा अन्तरक्रिया गरिएको कम्पनीले जनाएको छ। कम्पनीले स्थानीय तहका नागरिकहरुलाई समेत लक्षित गरेर यस्तो कार्यक्रम सञ्चालन गरेको हो।  

सहकारी क्षेत्रका लागि भने सहकारी बीमा अभिमुखिकरण कार्यक्रम आयोजना गरिएको थियो, जसमा बागमती प्रदेश सहकारी संघकाका प्रतिनिधि, जिल्ला सहकारी संघ ललितपुरका प्रतिनिधि लगायतका सहकारीकर्मीहरूको सक्रिय सहभागिता थियो। कार्यक्रममा सहकारी र बीमा क्षेत्रबीचको आपसी समन्वय, सहकारीमार्फत बीमा सेवा विस्तारका सम्भावना तथा सहकारी सदस्यहरूको बीमा सुरक्षाबारे विस्तृत छलफल गरिएको थियो।

सन नेपाल लाइफले आगामी दिनमा पनि समाजका विभिन्न समूहलाई लक्षित गरी बीमा शिक्षा तथा जनचेतना विस्तार कार्यक्रमलाई अझ प्रभावकारी र सुदृढ बनाउँदै लैजाने प्रतिबद्धता व्यक्त गरेको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना