सिटिजन लाइफमा बीमा गरेर यसरी बन्न सकिन्छ मालामाल, नयाँ बोनसदर सार्वजनिक

काठमाडौं। सिटिजन लाइफ इन्स्योरेन्स कम्पनीले गत आर्थिक वर्षको बीमाङ्कीय मूल्याङ्कन पश्चात सबैभन्दा अगाडी बीमितका लागि नयाँ बोनसदर सार्वजनिक गरेको छ। कम्पनीले आर्थिक वर्ष २०८१/८२ का लागि न्युनतम प्रतिहजार २७ रुपैयाँदेखि अधिकतम ८० रुपैयाँसम्मको बोनस दिने भएको छ।

बीमितले अग्रिम भुक्तानी सावधिक जीवन बीमामा सबैभन्दा कम र सावधिक जीवन बीमामा सबैभन्दा धेरै बोनसदर पाउने भएका हुन्। सिटिजन लाइफमा २५ वर्ष भन्दा लामो अवधिको बीमा गर्ने बीमित सबैभन्दा धेरै लाभांन्वित हुने भएका छन्। कम्पनीले सार्वजनिक गरेको बोनसदर अनुसार सिटिजन जीवन सारथी योजनामा ३० वर्ष वा सो भन्दा माथिको बीमा अवधि कायम गरि बीमा गर्ने बीमितले प्रतिहजार ८० रुपैयाँ पाउने भएका छन्। यो अवधिको बीमा गर्नेको संख्या ६६ जना रहेका छन्। उनिहरुले बीमा पोलिसी परिपक्व हुँदै गर्दा बीमाङ्कको २.४ गुणा बोनस रकम र बीमाङ्क सहित ३.४ गुणा रकम हात पार्ने छन्।  

उदाहरण:

मानौ राम भन्ने बीमितले सिटिजन जीवन सारथी बीमा योजना ३० वर्ष अवधि राखेर १० लाखको बीमा गर्यो। उसले आर्थिक वर्ष २०८१/८२ मा कायम रहेको बोनसदर आगामी वर्षमा पनि रहिराख्यो भने ३० वर्ष अवधि पछि २४ लाख रुपैयाँ बोनस प्राप्त गर्नेछ। त्यस्तै पोलिसी परिपक्व हुँदै गर्दा बीमाङ्क र बोनस सहित एकमुष्ठ रुपमा ३४ लाख रुपैयाँ हात पार्नेछ। यदि २० वर्षको एक युवक/युवतीले यो पोलिसी खरिद गरेमा ५० वर्षको उमेरमा उक्त रकम हात पार्न सक्नेछ। यसरी ३० वर्षसम्म जोखिम बहन सँगै जीवनको उत्तरार्धमा एकमुष्ठ रकम हात पार्नेछन्।

सिटिजन लाइफमा बीमा गर्दा दोब्बर पाउने तरिका

अग्रिम भुक्तानी सावधिक जीवन बीमालेख

यो बीमा पोलिसीमा १० देखि १४ वर्ष अवधिकाले प्रतिहजार ४४ रुपैयाँ, १५ देखि १९ वर्ष अवधिकाले ४९ रुपैयाँ, २० देखि २४ वर्ष अवधिकाले ५५ रुपैयाँ रहेको छ। यो पोलिसीमा बीमाङ्कको दोब्बर पाउन कम्तिमा पनि १९/२० वर्ष अवधिको बीमा गर्नु पर्छ।  

वार्षिक अग्रिम भुक्तानी सावधिक बीमालेख

यो बीमालेखमा पनि ९ वर्ष अवधिसम्मका बीमितले प्रतिहजार २५ रुपैयाँ पाउन सक्नेछन्। त्यस्तै १० देखि १४ वर्ष अवधि र १५ वर्षदेखि १९ वर्ष अवधिकाले प्रति हजार २७ रुपैयाँ र २० देखि २४ वर्ष अवधिकाले २८ रुपैयाँ पाउने छन्। यो बीमा पोलिसीमा बीमितले हरेक वर्ष बोनसका रुपमा प्रतिफल फिर्ता पाउने भएकाले बोनसदर कम देखिएको हो। यस्तो बीमालेख प्रतिफल भन्दा पनि न्युन बीमा शुल्कमा अधिकतम जोखिम बहन गर्ने सर्वोत्कृष्ट उपाय हो।

सिटिजन शुभारम्भ योजना

यो बीमालेख खरिद गर्ने बीमितले न्युनतम ३५ रुपैयाँदेखि अधिकतम ७५ रुपैयाँसम्मको बोनसदर पाउन सक्ने छन्। यदि कुनै बीमितले बीमा अवधि ९ वर्षको राखेको छ भने ३५ रुपैयाँ, १० देखि १४ वर्ष अवधिमा ३९ रुपैयाँ, १५ वर्षदेखि १९ वर्ष अवधिमा ४१ रुपैयाँ, २० देखि २४ वर्ष अवधिमा ४६ रुपैयाँ, २५ वर्षदेखि २९ वर्ष अवधिमा ६५ रुपैयाँ र ३० वर्ष भन्दा बढि अवधिमा ७५ रुपैयाँ पाउन सकिन्छ। यस बीमालेखमा पनि बीमितले २१ वर्षमा दोब्बर पाउन सक्नेछन्।

सावधिक जीवन बीमालेख

यो बीमालेखमा पनि न्युनतम प्रतिहजार ३८ रुपैयाँदेखि ७३ रुपैयाँसम्म कायम गरिएको छ। बीमितले यो बीमालेखबाट दोब्बर पाउन बीमा अवधि २० वर्ष राख्नु पर्ने हुन्छ। कम्पनीले यस अवधिमा अझै धेरै प्रगति गर्दै जाने र लगानीका दायरालाई विस्तार गर्दै जादा २० वर्ष भन्दा कम अवधिमै दोब्बर हुने सम्भावना रहन्छ। तर अहिले २० वर्षको टार्गेट राखियो भने यो भन्दा धेरै प्रतिफल पाउने निश्चित छ।

सिटिजन बाल भविष्य योजना

हरेक अभिभावकले आफ्नो सन्ताको भविष्य उज्वल बनाउने योजना सहित यो पोलिसी खरिद गर्ने गरेका छन्। यस पोलिसीमा कम्पनीले न्युनतम प्रतिहजार ४० रुपैयाँदेखि ६७ रुपैयाँसम्मको बोनसदर कायम गरेको छ। यस योजनाबाट डबल पाउन २० वर्षको अवधि कायम गर्नु पर्छ। गत आर्थिक वर्षका लागि ९ वर्ष अवधिसम्ममा प्रतिहजार २८ रुपैयाँ, १० देखि १४ वर्ष अवधिमा ४४ रुपैयाँ, १५ देखि १९ वर्ष अवधिमा ४७ रुपैयाँ, २० देखि २४ वर्ष अवधिमा ५२ रुपैयाँ, २५ देखि २९ वर्ष अवधिमा ६७ रुपैयाँ निर्धारण गरिएको छ।

सिटिजन जीवन सारथी बीमा योजना

सिटिजन लाइफमा यो बीमा पोलिसी खरिद गर्नेले पनि प्रतिहजार ८० रुपैयाँसम्मको बोनसदर पाउने भएका छन्। तर यसका लागि बीमा अवधि ३० वर्षको हुनु पर्छ। कम्पनीमा यस्तो लाभ लिनेको संख्या ६६ जना रहेको छ। उनिहरुले बीमाङ्कको ३.४ गुणा प्रतिफल पाउनेछन्। अन्यको हकमा ९ वर्ष अवधिसम्ममा प्रति हजार ३८ रुपैयाँ, १० देखि १४ वर्ष अवधिकाले ३९ रुपैयाँ, १५ देखि १९ वर्ष अवधिकाले ४१ रुपैयाँ, २० देखि २४ वर्ष अवधिकाले ४३ रुपैयाँ, २५ देखि २९ वर्ष अवधिकाले ६५ रुपैयाँ र ३० वर्ष भन्दा माथिको अवधिकाले ८० रुपैयाँ पाउने छन्।

बोनसदर निर्धारण गर्दा बीमितले भुक्तानी गर्ने बीमाशुल्कमा पनि निर्धारण हुन्छ। पोलिसी डिजाइन गर्दा सस्तो प्रिमियम पर्ने गरी तयार भएका पोलिसीमा कम बोनसदर हुन्छ भने धेरै प्रिमियम पर्ने गरि तयार भएका पोलिसीमा धेरै बोनसदर निर्धारण हुन्छ। अर्को तर्फ जोखिम धेरै बहन हुने पोलिसीमा कम बोनसदर हुन्छ भने कम जोखिम बहन हुने पोलिसीमा धेरै बोनसदर कायम हुन्छ।

सिटिजन लाइफले बीमा पोलिसी डिजाइन गर्दा राष्ट्रिय अन्तर्राष्ट्रिय अभ्यास र बीमाका सिद्धान्तलाई पुर्ण रुपमा पालना गर्ने गरेकोछ। यसले गर्दा अहिले निर्धारण गरेको बोनस भन्दा आगामी वर्षमा बढ्ने जाने निश्चित छ। जुन बीमितका लागि खुसीको कुरा हो।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना