स्थानीय तहको सिमाना र संरचना हेरफेरका लागि सुझाव माग

काठमाडौँ, वैशाख ५ गते — सङ्घीय मामिला तथा सामान्य प्रशासन मन्त्रालय ले गाउँपालिका, नगरपालिका तथा वडाको सङ्ख्या र सिमाना हेरफेर सम्बन्धमा सरोकारवाला पक्षहरूसँग राय सुझाव माग गरेको छ। मन्त्रालयले वैशाख ३ गते जिल्ला समन्वय समिति, स्थानीय तह तथा सम्बन्धित निकायहरूलाई पत्राचार गर्दै सुझाव पठाउन आग्रह गरेको हो।

स्थानीय सरकार सञ्चालन ऐन, २०७४ अन्तर्गतका व्यवस्थाअनुसार स्थानीय तहको सिमाना हेरफेर, गाभ्ने (मर्जर) तथा नगरपालिकाको वर्गीकरण पुनरावलोकनका लागि प्रारम्भिक मस्यौदा तयार भइसकेको मन्त्रालयले जनाएको छ। उक्त मस्यौदालाई पूर्णता दिन जिल्ला समन्वय समिति महासङ्घ, नेपाल नगरपालिका सङ्घ र गाउँपालिका राष्ट्रिय महासङ्घ लाई समेत सहजीकरणका लागि बोधार्थ पठाइएको छ।

मन्त्रालयका अनुसार ऐनका दफा ३, ५, ६, ७ र ८ लाई कार्यान्वयनमा ल्याउने उद्देश्यले यो प्रक्रिया अघि बढाइएको हो। यसअन्तर्गत स्थानीय तहको सिमाना परिवर्तन, दुई वा दुईभन्दा बढी तह गाभ्ने तथा वडाको सङ्ख्या समायोजन गर्ने विषयहरू समेटिएका छन्।

मन्त्रालयले मस्यौदाबारे कुनै राय वा सुझाव भए तीन दिनभित्र आधिकारिक इमेलमार्फत पठाउन आग्रह गरेको छ। प्राप्त सुझावहरूको अध्ययनपछि स्थानीय तहको संरचनात्मक सुधार तथा सुदृढीकरणका लागि आवश्यक निर्णय लिइने जनाइएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन