धनगढीमा कुटपिट आरोपपछि मृत्यु, चार जना नियन्त्रणमा

धनगढी, वैशाख ५ गते — कैलालीको धनगढी उपमहानगरपालिका–१ मा छिमेकीको घरमा बेहोस अवस्थामा भेटिएका ५६ वर्षीय पतिराम चौधरीको मृत्यु भएपछि प्रहरीले छानबिनका लागि चार जनालाई नियन्त्रणमा लिएको छ। जिल्ला प्रहरी कार्यालय कैलाली का अनुसार मृतककी श्रीमती रुपा चौधरीको जाहेरीका आधारमा महेश श्रेष्ठसहित उनका परिवारका सदस्यहरूलाई नियन्त्रणमा लिइएको हो।

प्रहरी निरीक्षक कैलाश विष्ट ले दिएको जानकारीअनुसार कुकुरले कुकुर मारेको निहुँमा मरेको कुकुर हेर्न भन्दै बिहीबार राति पतिरामलाई घरमा बोलाएर कुटपिट गरिएको आरोप लागेको छ। कुटपिटकै कारण श्रीमानको ज्यान गएको भन्दै मृतककी श्रीमतीले उजुरी दिएपछि अनुसन्धान अघि बढाइएको प्रहरीले जनाएको छ।

प्रारम्भिक जानकारीअनुसार पतिराम चौधरीलाई श्रेष्ठले आफ्नो कुकुर मारेको भन्दै घरमा बोलाएका थिए। सोही राति उनी श्रेष्ठको घरमै बेहोस अवस्थामा फेला परेका थिए र उपचारका क्रममा मृत्यु भएको हो।

यद्यपि, श्रेष्ठ परिवारले भने चौधरी छतमा मरेको कुकुर हेरेर फर्किने क्रममा सिँढीबाट लडेर बेहोस भएको दाबी गरेको छ। बेहोस भएपछि उनलाई होसमा ल्याउन आइस र पानी प्रयोग गरिएको पनि उनीहरूको भनाइ छ।

घटनाको वास्तविकता अझै नखुलेको भन्दै प्रहरीले थप अनुसन्धान जारी रहेको जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन