३२ औँ वार्षिकोत्सवमा महालक्ष्मी विकास बैंकका सामाजिक तथा जनचेतनामूलक कार्यक्रम सम्पन्न

काठमाडौं । महालक्ष्मी विकास बैंक ले जेठ ७ गते ३२ औँ वर्षमा प्रवेश गरेको अवसरमा जेठ २ गतेदेखि ७ गतेसम्म विभिन्न सामाजिक तथा जनचेतनामूलक कार्यक्रम आयोजना गर्दै वार्षिक उत्सव मनाएको छ ।

वार्षिकोत्सव अन्तर्गत जेठ २ गते बैंकको केन्द्रीय कार्यालय, प्रादेशिक कार्यालय तथा शाखा कार्यालयका कर्मचारीहरूको सहभागितामा वित्तीय साक्षरता सहितको प्रभातफेरी कार्यक्रम सम्पन्न गरिएको बैंकले जनाएको छ । विभिन्न स्थानमा सञ्चालन गरिएको वित्तीय साक्षरता कार्यक्रममा मोबाइल बैंकिङ, स्मार्ट क्यूआर, निक्षेप, कर्जा तथा विप्रेषण सेवासम्बन्धी जानकारी प्रदान गरिएको थियो ।

त्यसैगरी, जेठ ४ गते बैंकको केन्द्रीय कार्यालयमा बृहत निःशुल्क स्वास्थ्य शिविर तथा जेठ ५ गते निःशुल्क दन्त तथा आँखा शिविर सञ्चालन गरिएको थियो । शिविरमा करिब २०० जनाको स्वास्थ्य, आँखा तथा दाँत परीक्षण गरिएको बैंकले जनाएको छ ।

यसै अवसरमा बैंकले जेठ ६ गते देशभरका विभिन्न प्रादेशिक कार्यालय तथा केन्द्रीय कार्यालयमा बृहत रक्तदान कार्यक्रम सञ्चालन गरेको थियो । रक्तदान कार्यक्रममार्फत २०० पिन्ट रगत संकलन गरिएको बैंकले जनाएको छ । स्वास्थ्य क्षेत्रमा चुनौतीका रूपमा रहेको रगत व्यवस्थापनमा सहयोग पुगोस् भन्ने उद्देश्यले रक्तदान कार्यक्रम आयोजना गरिएको बैंकको भनाइ छ ।

सोही दिन बैंकले संस्कृति प्रवर्द्धन तथा मन्दिर सरसफाइलाई प्राथमिकतामा राख्दै विभिन्न स्थानका महालक्ष्मी मन्दिरहरूमा सरसफाइ सामग्री हस्तान्तरण गरेको छ । साथै ललितपुरको महालक्ष्मीस्थानस्थित महालक्ष्मी मन्दिर मा बगैंचा प्रवर्द्धन, मर्मतसम्भार तथा डिजिटल दक्षिणा भुक्तानी प्रवर्द्धनका लागि सहयोग गरेको जनाएको छ ।

बैंकले जेठ ७ गते केन्द्रीय कार्यालय, प्रादेशिक कार्यालय तथा शाखा कार्यालयमार्फत कर्मचारीहरूलाई स्थानीय भेषभूषामा उपस्थित गराई नेपालको भौगोलिक तथा सांस्कृतिक विविधता झल्काउने कार्यक्रम समेत आयोजना गरेको थियो । सोही दिन नारायणहिटी नारायणस्थान गुठी व्यवस्थापन समिति लाई खानेपानी व्यवस्थापनका लागि पानी ट्याङ्की हस्तान्तरण गरिएको छ ।

यसैबीच, प्रत्येक वर्ष अगस्ट १९ मा मनाइने विश्व फोटोग्राफी दिवसको अवसरमा आयोजना हुँदै आएको “महालक्ष्मी विकास बैंक बिजचित्र फोटोग्राफी प्रतियोगिता” अन्तर्गत संकलित तस्वीरहरू बैंकको केन्द्रीय कार्यालयमा प्रदर्शन गरिएको छ । स्थानीय साना तथा मझौला व्यवसायको प्रवर्द्धन तथा प्रचारप्रसार गर्ने उद्देश्यले प्रतियोगिता आयोजना हुँदै आएको बैंकले जनाएको छ ।

त्यस्तै, विगत चार वर्षदेखि सञ्चालन हुँदै आएको “महालक्ष्मी कर्पोरेट क्रिकेट” प्रतियोगिताको पाँचौँ संस्करण पनि यही जेठ महिनाभित्र आयोजना गरिने बैंकले जानकारी दिएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?