देशभर एक महिनामा १,००० भन्दा बढी लागुऔषध कारोबारी पक्राउ

काठमाडौँ, जेठ ८ गते । वैशाख महिनामा देशभरबाट एक हजार ५६ जना लागुऔषध कारोबारमा संलग्न व्यक्ति पक्राउ परेका छन् ।

केन्द्रीय प्रहरी समाचार कक्ष का अनुसार पक्राउ पर्नेमा काठमाडौँ उपत्यकाबाट १७१, कोशीबाट २०६, मधेसबाट ७०, बागमतीबाट १५४, गण्डकीबाट ५६, लुम्बिनीबाट १६९, कर्णालीबाट २१ र सुदूरपश्चिम प्रदेशबाट १६७ जना रहेका छन् । त्यस्तै लागुऔषध नियन्त्रण ब्यूरोबाट थप ४२ जना पक्राउ परेका छन् ।

सोही अवधिमा प्रहरीले ठूलो परिमाणमा लागुऔषधसमेत बरामद गरेको छ । बरामद सामग्रीमध्ये गाँजा एक हजार ८२० किलो, चरेस १९ किलो, हेरोइन चार किलो, अफिम सात किलो, कोकिन ३३ ग्राम तथा पोलेन ११ किलो रहेको प्रहरीले जनाएको छ ।

त्यसैगरी डाइजेपाम, फेनारगन, बुप्रेनोर्फिन, ट्रामाडोल, नाइट्राभेट र स्पास्मो जस्ता नियन्त्रित औषधिहरू पनि ठूलो मात्रामा बरामद गरिएको जनाइएको छ ।

प्रहरीले लागुऔषध कारोबार नियन्त्रणका लागि देशभर निगरानी र विशेष अभियानलाई थप कडाइ गरिएको जनाएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन