आगामी मौद्रिक नीतिका लागि राष्ट्र बैंकले माग्यो सुझाव

काठमाडौं। नेपाल राष्ट्र बैंक ले आगामी आर्थिक वर्ष २०८३/८४ को मौद्रिक नीति तर्जुमा गर्न सरोकारवाला तथा सर्वसाधारणसँग राय/सुझाव माग गरेको छ।

बैंकको आर्थिक अनुसन्धान विभागले जारी गरेको सूचनाअनुसार नेपाल राष्ट्र बैंक ऐन, २०५८ मा भएको व्यवस्थाबमोजिम आगामी आर्थिक वर्षको मौद्रिक नीति तयार गर्न लागिएको हो। यस क्रममा उपयुक्त नीति निर्माणका लागि विभिन्न क्षेत्रको प्रतिनिधित्व हुने गरी रचनात्मक सुझाव प्राप्त गर्ने उद्देश्यले राय/सुझाव आह्वान गरिएको बैंकले जनाएको छ।

यस पटकको मौद्रिक नीति विशेष चासोका साथ हेरिएको छ। जेनजी आन्दोलनपछिको चुनावपछि गभर्नर डा. विश्व पौडेलको यो पहिलो मौद्रिक नीति हुने भएको छ भने गभर्नर नियुक्तिपछिको उनको दोस्रो मौद्रिक नीति हो।

बैंकले मौद्रिक नीतिमार्फत मूल्य स्थिरता, वित्तीय स्थायित्व, आर्थिक वृद्धिदर तथा वित्तीय पहुँच विस्तारका विषयलाई सन्तुलित रूपमा सम्बोधन गर्ने अपेक्षा गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?