काठमाडौंमा “दिलदार देहल्वी साँझ” गजल कार्यक्रम सम्पन्न

काठमाडौं, असार १ गते । एपेक नेपालले भारतका चर्चित गजलकार दिलदार देहल्वीको सम्मानमा “दिलदार देहल्वी साँझ, नेपाली गजलकार माझ” कार्यक्रम आयोजना गरेको छ।

कवि, गजलकार तथा गीतकार वसन्त चौधरीको प्रमुख आतिथ्यमा आइतबार साँझ राजधानीमा कार्यक्रम सम्पन्न भएको हो। कार्यक्रममा देहल्वीले “किसी तौर कोई बहाने तो आ मोहब्बत नहीं दिल दुखाने तो आ” लगायत आधा दर्जन गजल प्रस्तुत गरे।

कार्यक्रममा वसन्त सागर, घनेन्द्र ओझा, जय पौडेल, बिट्टु केसी, शान्ति शर्मा, रवि प्राञ्जल, धिरेन्द्र महर्षी, करुण थापा लगायत गजलकारहरूले आफ्ना रचना प्रस्तुत गर्दै महफिललाई सजीव बनाएका थिए।

समसामयिक विषयदेखि प्रेम, पीडा र गुनासासम्मका भाव समेटिएका गजलहरूले कार्यक्रमलाई भावनात्मक र सांगीतिक वातावरणमा रूपान्तरण गरेको थियो।

प्रमुख अतिथि चौधरीले दिलदार देहल्वीको लेखन र व्यक्तित्व दुवै प्रशंसनीय रहेको बताउँदै सिर्जनात्मक क्षेत्रमा निरन्तर सहयोग रहने प्रतिबद्धता व्यक्त गरे।

कार्यक्रममा देहल्वीलाई दोसल्ला र सम्मानपत्रसहित सम्मान गरिएको थियो। साथै सहभागी गजलकारहरूलाई पनि सम्मानपत्र प्रदान गरिएको एपेक नेपालले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन