न्युन बैंक व्याजदरको समयमा प्रभु क्यापिटलका दुई म्युचुअल फण्डको आकर्षक लाभांश, १२ प्रतिशत नगद दिने

काठमाडौं। प्रभु क्यापिटल लिमिटेडले व्यवस्थापन गरेका प्रभु सेलेक्ट फन्ड (पीएसएफ) र प्रभु स्मार्ट फन्ड (पीआरएसएफ) ले आर्थिक वर्ष २०८२/८३ का लागि इकाईधनीलाई १२ प्रतिशत नगद लाभांश वितरण गर्ने घोषणा गरेका छन्। बैंकहरुले २/३ प्रतिशत व्याजदर दिइरहदा क्यापिटलका दुई फण्डले भने आकर्षक प्रतिफल दिने भएका हुन्। 

प्रभु क्यापिटलको भदौ ५ गते बसेको सञ्चालक समितिको बैठकले प्रभु सेलेक्ट फन्डका इकाईधनीलाई १२ प्रतिशत नगद लाभांश तथा प्रभु स्मार्ट फन्डका इकाईधनीलाई करसहित १२ प्रतिशत नगद लाभांश वितरण गर्ने निर्णय गरेको हो।

प्रभु सेलेक्ट फन्ड ७ वर्षे परिपक्व अवधि भएको बन्दमुखी म्युचुअल फन्ड हो भने प्रभु स्मार्ट फन्डको परिपक्व अवधि १० वर्ष रहेको छ।

दुवै म्युचुअल फन्डको प्रवर्द्धक प्रभु बैंक लिमिटेड रहेको छ भने कोष व्यवस्थापकको जिम्मेवारी प्रभु क्यापिटल लिमिटेडले सम्हाल्दै आएको छ।

लाभांश प्राप्त गर्न योग्य इकाईधनी निर्धारणका लागि बुक क्लोज हुने मिति भने कम्पनीले पछि घोषणा गर्ने जनाएको छ। प्रभु सेलेक्ट फण्डको प्रति इकाइ ११.९० रुपैयाँ छ भने प्रभु स्मार्ट फण्डको प्रतिइकाइ मूल्य १२.९५ रुपैयाँ छ। 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन