लाभांश वितरणको प्रस्तावसहित माउन्टेन इनर्जीको साधारण सभा आज बस्दै

काठमाडौं । लाभांशको प्रस्तावसहित माउन्टेन इनर्जी नेपाल लिमिटेडको साधारण सभा आज बस्दैछ। अम्रपाली ब्याङ्क्वैट काठमाडौंमा बिहान साढे १० बजेदेखि दशौं वार्षिक साधारण सभा बस्न लागेको हो।

कम्पनीको फागुन २० गते बसेको सञ्चालक समितिको बैठकको निर्णय अनुसार कम्पनीले साधारण सभा बोलाएको हो।

उक्त सभामा गत आवका लागि प्रस्तावित १५ प्रतिशत लाभांश बोनस शेयर र ०.७८९५ प्रतिशत नगद लाभांश (कर प्रयोजनका लागि) गरी कुल १५.७८९५ प्रतिशत लाभांश वितरणको प्रस्ताव पारित गरिनेछ।

त्यस्तै, गत आवको वार्षिक प्रतिवेदन सहित, नगद प्रवाह र नाफा–नोक्सान लगायतका वित्तीय विवरण छलफल गरी पारित गर्नुका साथै चालु आवका लागि लेखापरीक्षक नियुक्त गरी पारिश्रमिक निर्धारण गर्नेछ। कम्पनीको प्रबन्धपत्र तथा नियमावली संशोधन गर्न संचालक समितिलाई अख्तियारी प्रदान गर्ने एजेण्डा पनि सभामा प्रस्तुत हुनेछ।

सभा प्रयोजनार्थ कम्पनीले फागुन ३० गते एक दिन बुक क्लोज गरेको थियो। नेप्सेमा फागुन २९ गतेसम्म कारोबार भइ कायम शेयरधनी सभामा भाग लिन र लाभांश पाउन योग्य हुनेछन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन