![$adHeader[0]['title']](https://www.bfisnews.com/images/bigyapan/1774272772_1769061114-ss-nimb.gif)
क्यान्सर पीडित महिला कर्मचारीलाई जब हाकिमले कामका लागि दिए दबाब...
- BFIS News
- 2024 Apr 14 09:12
काठमाडौं । कहिलेकाहीँ कम्पनीहरूले कामको लागि यस्तो निर्णय लिन्छ, जुन आलोचनाको विषय बन्न सक्छ। क्यान्सरबाट पीडित महिला कर्मचारीलाई अफिस आउन दबाब दिने कम्पनीका मालिकसँग पनि यस्तै भएको छ । साथै महिला कर्मचारीसँग उपचार गराउने समयको डिटेल पनि मागिएको थियो ता कि उपचारकव समयबाहेक उनलाई काम लगाउन सकियोस्। सामाजिक सञ्जालमा यो पोस्ट आएदेखि नै मानिसहरुले उक्त मालिकको आलोचना गरिरहेका छन्।
क्यान्सर ४ स्टेजबाट पीडित महिला कर्मचारीको बच्चाले रेडिटमा यो घटना पोस्ट गरेका थिए। उनले आफ्नो मालिकबाट आफ्नी आमालाई प्राप्त गरेको इमेल पनि पोस्ट गरे। यो पनि लेखेका थिए कि मालिकले मेरी आमासँग उपचार योजनाको लागि अनुरोध गरिरहेका छन् ताकि उनले उपलब्ध समयमा काममा लगाउन सकुन्।
उक्त इमेलमा के पनि लेखिएको थियो भने, 'तपाईं काम गर्न कत्तिको फिट हुनुहुन्छ भनेर डाक्टरबाट लेखाएर ल्याउनुस्। त्यसमा के-के गर्न सकिन्छ र के गर्न सकिँदैन भन्ने स्पष्ट रूपमा लेखिएको हुनुपर्छ। तपाईंको उपचार योजनाले हामीलाई योजना बनाउन मद्दत गर्नेछ।'
यो पोस्टमा धेरै प्रयोगकर्ताहरूबाट टिप्पणीहरू आए। मानिसहरूले मालिकलाई सहानुभूति नदेखाएको आरोप लगाए। एक प्रयोगकर्ताले यो अमानवीय भएको लेखे। अर्का एक प्रयोगकर्ताले लेखेका छन्, ‘मैले यो भन्न चाहिनँ तर, सायद त्यो मालिकलाई क्यान्सरजस्तो रोग लागेपछि मात्रै उनले त्यो पीडा बुझ्न सक्नेछन्।'
अर्का प्रयोगकर्ताले लेखेका छन्, 'म आशा गर्छु कि तपाईंको आमाले यस्तो मालिकबाट छुटकारा पाउन बल पाउनुहुनेछ। बिरामी कर्मचारीलाई यस्तो गर्नु अन्याय हो । कतिपय मानिसहरु दुष्टताका प्रतीक हुन्छन्।'
कम्पनीका मालिकले आफ्ना कर्मचारीलाई यसरी दुर्व्यवहार गर्ने प्रयास गरेको यो पहिलो घटना होइन। कम्पनीहरुको कर्मचारीहरुप्रतिको व्यवहारको बारेमा धेरै पटक सामाजिक सञ्जालमा गुनासो आउने गरेका छन्। केही समयअघि मात्रै एक व्यक्तिले आफू बुवाको मृत्यु भएको दुखद क्षणमा रहेको समयमा पनि अफिस किन नआएको भन्दै हाकिमले हप्काएको बताएका थिए।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया