एसइई दिएर बसेका विद्यार्थीलाई एसबिआइ मर्चेन्टको शेयर लक्षित योजना

काठमाडौं । एसइई परीक्षा २०८० मा सहभागी भएका विद्यार्थीहरुलाई लक्षित गरी नेपाल एसबिआइ मर्चेण्ट बैंकिङ लिमिटेडले डिम्याट तथा मेरो शेयर खाता खोल्न छुट योजना सार्वजनिक गरेको छ।

कम्पनीले आगामी जेष्ठ मसान्तसम्मका लागि छुट सहितका योजनाहरु सार्वजनिक गरेको छ। नि:शुल्क डिम्याट र १ वर्ष डिम्याट तथा मेरो शेयरको नविकरण ५० प्रतिशत छुटसहित रु. १०० मा, नि:शुल्क डिम्याट खाता खोली आजीवन नविकरण ८०.१४ प्रतिशत छुटमा रु. १४९९ मा र नि:शुल्क डिम्याट खाता खोली आजीवन डिम्याट तथा मेरो शेयर नविकरण ८२.३१ प्रतिशत छुटसहित रु. १९९९ मा उपलब्ध हुनेछ।

यस्ता खाताहरुको सहज पहुँचले विद्यार्थीहरुलाई सुपथ लागतमा धितोपत्र लगानीका अवसर प्राप्त गर्ने र पूँजी बजारमा सहभागिताका साथै वित्तीय शिक्षा र लगानी गर्न विद्यार्थीहरुमा सानै उमेरदेखी जागरुकता ल्याउने विश्वास कम्पनीले लिएको छ।

उल्लेखित छुटसहितका सेवा प्राप्त गर्नका लागि नेपाल एसबिआई बैंकका शाखाहरु तथा नेपाल एसबिआइ मर्चेण्ट बैकिङको कार्यालय, ठमेलमा सम्पर्क गर्न सकिनेछ। 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन